Í áfanganum verður lögð áhersla á að læra raddbeitingu og textaflutning af ýmsum toga. Ólíkir textar verða skoðaðir svo sem bundið mál og nútíma leikhústextar en einnig ljóð, ræður og fyrirlestrar. Fjallað verður um grunnlíffræði raddarinnar, umhirðu hennar og raddheilbrigði. Rými af ólíkum stærðum og gerðum verða heimsótt og nemendur læra um hvernig ólík raddbeiting virkar í ólíkum rýmum. Áfanginn endar á lokaprófi þar sem fagaðilar leggja mat á textaflutning og raddbeitingu nemenda.
Nemandi skal hafa öðlast þekkingu og skilning á:
túlkun á bundnum og óbundnum texta á leiksviði
röddinni sem líffæri og umhirðu hennar
mikilvægi túlkunar í framkomu
margvíslegum aðferðum sem hægt er að beita í túlkun og tjáningu
eigin rödd, styrkleikum og veikleikum
Nemandi skal hafa öðlast leikni í að:
hita upp röddina og beita henni
nýta samspil öndunar, líkamsstöðu og raddar í tjáningu
greina margvíslega texta til túlkunar og flutnings
miðla lausnum í raddheilbrigði og beitingu til annarra
Nemandi skal geta hagnýtt þá almennu þekkingu og leikni sem hann hefur aflað sér til að:
flytja texta af margvíslegum toga á áhrifaríkan hátt
greina skilvirkt eigin raddbeitingu og annarra
bæta getu sína í raddbeitingu og framkomu enn frekar
útskýra þær ólíku aðferðir sem til eru til að tjá og túlka texta
Námsmat er tilgreint í kennsluáætlun og samræmist skólanámskrá.