Í áfanganum verður farið í samsköpunaraðferðir leikhússins þar sem nemendur læra að vinna í hópi að sameiginlegu markmiði. Málamiðlun og samskiptahæfni eru í fyrirrúmi, þar sem nemendur verða að komast að sameiginlegri niðurstöðu um þau skapandi verkefni sem fyrir þá eru lögð. Nemendur læra að nýta og meta eigin styrkleika og annarra, sem og hópsins sem heildar. Þekktar aðferðir og hugmyndfræði samsköpunarleikhúss verða kynntar og skoðaðar.
Nemandi skal hafa öðlast þekkingu og skilning á:
helstu aðferðum og hugmyndafræði í samsköpunaraðferðum leikhússins
nýjum og ólíkum aðferðum til frumsköpunar
samskiptahæfni og málamiðun í samvinnu
þróun verkefnis með öðrum frá hugmynd til sýningar
Nemandi skal hafa öðlast leikni í að:
vinna í hópi að sameiginlegu markmiði
leggja mat á og nýta eigin styrkleika sem og annarra
skipuleggja og framkvæma frumsköpun í sviðslistum
skilja og greina listræna vídd sviðslistaformsins
Nemandi skal geta hagnýtt þá almennu þekkingu og leikni sem hann hefur aflað sér til að:
leggja mat á hvað er persónuleg skoðun annarsvegar, hvað er faglegt mat hinsvegar, og geta greint þar á milli
nota samsköpunaraðferðir við mótun á sviðslistum
greina hvað hefur merkingu út frá sjónarhorni samfélagsins og hvað ekki
nota skapandi og sjálfstæð vinnubrögð
tjá skoðanir sínar og hugmyndir á uppbyggjandi og faglegan máta og af ígrundun
Námsmat er tilgreint í kennsluáætlun og samræmist skólanámskrá.