Í áfanganum verður áhersla lögð á að skilja dans sem frásagnar- og túlkunarform. Nemendur læra að vinna með líkamann, kynnast helstu undirstöðuatriðum dansins og læra að beita ákveðinni grunntækni. Fjallað verður um hlutverk og tilgang dansins í söngleikjum ásamt því að skoða sögu dansins sem sviðslistaforms.
Nemandi skal hafa öðlast þekkingu og skilning á:
dansi sem frásagnar – og túlkunarformi
eigin líkama, styrkleikum og veikleikum
undirstöðuatriðum í dansi
þeim ólíku aðferðum dansins sem hægt er að nýta innan sviðlistaformsins
hlutverki dansins í söngleikjum
mikilvægi líkamans sem verkfæris til sköpunar
Nemandi skal hafa öðlast leikni í að:
hita upp líkamann og hirða vel um hann
greina dans sem hluta af frásögn og tjáningu
nýta danstækni í flutningi á sviði
beita líkamanum á dýnamískan hátt bæði í leik og dansi
tengja saman líkama og hugsun/tilfinningu
Nemandi skal geta hagnýtt þá almennu þekkingu og leikni sem hann hefur aflað sér til að:
flytja dans eða líkamlega túlkun á sviði á áhrifaríkan hátt
nýta skilning sinn á líkamanum til að auðga túlkun og tjáningu á sviði
tjá sig í töluðu og rituðu máli um sögu danslista og tilgang dansins innan leikhússins
vinna með líkamlega færni á sviði á ábyrgan hátt
Námsmat er tilgreint í kennsluáætlun og samræmist skólanámskrá.