Fjármálastærðfræði fyrir nemendur á náttúruvísindabraut
Samþykkt af skóla
3
5
Lögð verður áhersla á arðsemi hlutabréfa og fjárfestinga með núvirðisreikning, hámörkun hagnaðar með diffrun. Farið verður í diffurjöfnur og diffurjöfnuhneppi og einnig fylki og aðferð minnstu kvaðrata til að rannsaka hegðun á markaði. Að lokum verður farið í afleiðuútreikninga. Áfanginn er góður undirbúningur fyrir þá sem hafa hug á að kynna sér hagnýtinguna í stærðfræði og fjármálum. Efni áfangans er góður undirbúningur fyrir nám í hagfræði, viðskiptafræði, iðnaðarverkfræði eða fjármálaverkfræði en sýnir einnig hvernig stærðfræði er notuð í bankakerfinu.
Að minnsta kosti tveir stærðfræðiáfangar.
Nemandi skal hafa öðlast þekkingu og skilning á:
grunnatriðum núvirðis- og framvirðis reikniaðferða
grunnatriðum aðhvarfsgreiningar
grunnatriðum diffurjafna
grunnatriðum afleiðureiknings
innri vöxtum
fjárstreymi
fylkjareikning
Nemandi skal hafa öðlast leikni í að:
nýta núvirðisreikning til að finna hagkvæmasta fjárfestingakostinn
lesa ársreikninga og lykiltölur og geta notað þær til að reikna virði fyrirtækja
nota Black-Scholes módelið til að reikna virði afleiðna
reikna diffurjöfnur
aðferðir fylkjareiknings, andhverfur, eigen values og eigen vectors
Nemandi skal geta hagnýtt þá almennu þekkingu og leikni sem hann hefur aflað sér til að:
geta lesið ársreikning, tekið úr honum lykilupplýsingar og reiknað út virði félagsins
geta sett upp viðskiptahugmynd, reiknað út fjárstreymi og núvirði viðskiptahugmyndarinnar
geta reiknað virði afleiðusamnings
geta spáð fyrir um þróun virðis hlutabréfa með aðhvarfsgreiningu
geta fundið bestu lausn á framleiðslufalli með diffurreikningi.