Í áfanganum er fjallað um kynheilbrigði í víðum skilningi. Fjallað verður um hvernig tilfinningar, samskipti og samfélag hafa áhrif á hugmyndir okkar og væntingar til kynlífs. Meðal umfjöllunarefnis í áfanganum er hinsegin fræðsla, ofbeldi, sjálfsmynd, líkamsvirðing og samskipti. Einnig verður fjallað um hvaða kröfur eru gerðar til okkar sem kynvera, hverjar hugmyndir samfélagsins eru um eðlilega kynhegðun, hvar mörkin séu milli kynlífs og nauðgunar og hver dregur línuna. Að lokum verður fjallað um forvarnir og hvernig þeim skuli háttað.
Engar
Nemandi skal hafa öðlast þekkingu og skilning á:
hugtökunum kynheilbrigði, kynferðisþroska, kynvitund, kynhneigð, kynlífi, klámi og klámvæðingu
algengustu vandamálum sem upp geta komið í tengslum við kynlíf og frjósemi
áhrifum sjálfsmyndar og tilfinninga á kynlífshegðun
ólíkum sjónarhornum gagnvart kynlífi og kynheilbrigði
því hvaðan við fáum upplýsingar um hvernig eigi að haga sér í kynlífi og kynferðislegum samskiptum
Nemandi skal hafa öðlast leikni í að:
tjá skoðanir sínar
þekkja eigin líkama og langanir
þekkja eigið viðhorf til kynlífs
geta fjallað um kynlíf og kynheilbrigði af virðingu og með skilningi
nota viðeigandi samskipti sem einkennast af virðingu
Nemandi skal geta hagnýtt þá almennu þekkingu og leikni sem hann hefur aflað sér til að:
taka ígrundaðar ákvarðanir varðandi kynheilbrigði sitt
spyrja spurninga og hluta á sjónarmið annarra af víðsýni
auka sjálfstæði sitt og trú á sjálfum sér
láta skoðanir sínar í ljós
vera meðvitaður um að kynferðisleg tjáning getur verið mismunandi.