Byrjað er á að fjalla um helstu vefjagerðir dýra og hugtakið samvægi. Meginefni áfangans er svo mannslíkaminn í heild sinni. Öll helstu líffærakerfi mannsins eru tekin fyrir; meltingarfærakerfi, taugakerfi, skynfæri, innkirtlakerfi, stoðkerfi, loftskiptakerfi, hringrásarkerfi, þveitikerfi, ónæmiskerfi og æxlunarfærakerfi. Einstök líffæri innan hvers líffærakerfis eru skoðuð með áherslu á staðsetningu, hlutverk, gerð og virkni. Starfsemi líffæra og líffærakerfa er skoðuð í samhengi við samvægi og dæmi tekin um þegar samvægið fer úr skorðum. Aðaláhersla áfangans er á lífeðlisfræði mannsins, þó nokkur dæmi séu tekin hjá öðrum dýrategundum til samanburðar.
LÍFF1GL05 og EÐLI2AO05
Nemandi skal hafa öðlast þekkingu og skilning á:
hvaða líffæri raðast saman innan hvers líffærakerfis
staðsetningu og hlutfallslega stærð líffæra í líkamanum
helstu vefjagerðum líffæra
eðlilegri virkni hvers líffæris og einhver dæmi um þegar virkni líffæra fer úr skorðum
samstarfi og samhæfingu líffæra
samvægi innan líkamans
Nemandi skal hafa öðlast leikni í að:
þekkja líffæri hvers líffærakerfis
geta staðsett hvert líffæri innan mannslíkamans
tengja vefjagerðir líffæra við starfsemi þeirra
greina óeðlilega starfsemi líffæra frá eðlilegri
þekkja ýmsa innri og utanaðkomandi áhrifavalda á starfsemi líffæra
skilja hvernig hvert líffæri er líkamanum nauðsynlegt til að mynda heild sem virkar eðlilega og geta tengt saman starfsemi ólíkra líffærakerfa
Nemandi skal geta hagnýtt þá almennu þekkingu og leikni sem hann hefur aflað sér til að:
skilja byggingu líffæra
skilja tengsl einstakra líffæra og líffærakerfa
átta sig á staðsetningu líffæra
átta sig á þegar að starfsemi einstakra líffæra verður óeðlileg
geta gert sér grein fyrir hvaða afleiðingar óeðlileg starfsemi líffæra hefur á önnur líffæri og líkamann í heild sinni
nýta sér þekkingu sína í daglegu líf
Námsmat er tilgreint í kennsluáætlun og samræmist skólanámskrá.