Í áfanganum gefst nemendum kostur á að kynna sér margvísleg skáldverk í heimi bókmennta. Nemendur velja af lista þrjár bækur sem þeir lesa yfir önnina. Engin tímasókn er en nemendur gera grein fyrir verkunum í einkaviðtölum við kennara.
Nemandi skal hafa öðlast þekkingu og skilning á:
mikilvægi lestrar
því hvernig skáldsögur endurspegla líf og samfélag
Nemandi skal hafa öðlast leikni í að:
tjá sig í ræðu og riti um skáldsögur af ýmsum toga
átta sig á meginefni texta
taka þátt í umræðum
endursegja efni
tileinka sér góðar lestrarvenjur
Nemandi skal geta hagnýtt þá almennu þekkingu og leikni sem hann hefur aflað sér til að:
greina texta og draga ályktanir
vera gagnrýninn á efni
bæta og dýpka lesskilning
njóta lesturs
auka skilning á mannlegu atferli í gegnum lestur skáldsagna