Helstu efnisþættir eru talnafræði og þrepun, talningarfræði og umraðanir, rökfræði og sannanir, reiknirit, netafræði og endanlegar stöðuvélar. Lögð er áhersla á að tengja efnið við hagnýtingu í tölvunarfræði og verkefni unnin sem endurspegla þær áherslur.
Nemandi skal hafa öðlast þekkingu og skilning á:
grundvallar hugtökum og reglum í talnafræði
umröðunum og notkun þeirra í líkinda- og tölvunarfræði
undirstöðum rökfræðinnar og helstu aðferða hennar
nokkrum mikilvægum reikniritum og geti metið keyrslutíma þeirra
megin hugtökum netafræðinnar og hagnýtingu hennar
endanlegum stöðuvélum
Nemandi skal hafa öðlast leikni í að:
leysa einföld verkefni í talnafræði
beita reikniriti Evklíðs og kínversku leifareglunni
reikna út líkur með notkun umraðana
beita tvíliðureglunni
umrita yrðingar á tungumál rökfræðinnar
leysa verkefni í rökfræði með hjálp sanntaflna
beita þekktum reikniritum við lausn verkefna
notast við netafræði og stöðuvélar við lausn hagnýtra verkefni
hagnýta aðferðir áfangans í tölvunarfræði
Nemandi skal geta hagnýtt þá almennu þekkingu og leikni sem hann hefur aflað sér til að:
skrá lausnir sínar skipulega og útskýra þær skilmerkilega í mæltu máli
átta sig á tengslum ólíkra aðferða við framsetningu stærðfræðilegra hugmynda og viðfangsefna og geta valið aðferð sem við á hverju sinni
skilja merkingu og tengsl hugtaka í námsefninu og vinna með þau
átta sig á og gera greinarmun á nauðsynlegum og nægjanlegum skilyrðum fyrir lausnum verkefna
beita gagnrýninni hugsun og sýna áræði, frumkvæði og innsæi við lausn yrtra verkefna
leysa þrautir með skipulegum leitaraðferðum og uppsetningu jafna
klæða yrt verkefni í stærðfræðilegan búning, leysa það og túlka lausnina í samhengi við upphaflegt verkefni
fylgja og skilja röksemdir í mæltu máli og texta, þar með taldar sannanir í námsefni
geti beitt einföldum samsettum röksemdum
geti rakið sannanir í námsefninu og greint hvenær röksemdafærsla getur talist fullnægjandi sönnun
Námsmat er tilgreint í kennsluáætlun og samræmist skólanámskrá.