Helstu efnisþættir eru markgildi og samfelld föll, diffrun og helstu diffrunarreglur, línulegar nálganir og margvísleg hagnýting diffrunar. Einnig er farið í ýmis grundvallar fallahugtök og andhverfur hornafalla skoðaðar. Aðaláhersla áfangans er á dæmareikning, afleiðslukerfi og röksemdafærslur í stærðfræði, m.a. með sönnunum á nokkrum af mikilvægustu reglum áfangans. Einnig er lögð áhersla á rétta notkun stærðfræðitákna og skipulagða framsetningu.
STÆR3FX05
Nemandi skal hafa öðlast þekkingu og skilning á:
markgildum og aðfellum
samfelldum föllum
diffrun og helstu diffrunarreglum
línulegum nálgunum
afleiðum ýmissa falla
staðbundnum útgildum og beygjuskilum
hagnýtingu diffrunar
Nemandi skal hafa öðlast leikni í að:
finna markgildi og aðfellur falla
nota milligildisreglu til að sanna tilvist lausna jafna
diffra algengustu gerðir falla
gera formerkjamyndir og lesa úr þeim hvar finna megi útgildi og beygjuskil falla
finna línulega nálgun falls í punkti
nota óbeina diffrun til að finna diffurkvóta
Nemandi skal geta hagnýtt þá almennu þekkingu og leikni sem hann hefur aflað sér til að:
skrá lausnir sínar skipulega og útskýra þær skilmerkilega á mæltu máli
átta sig á tengslum ólíkra aðferða við framsetningu stærðfræðilegra hugmynda og viðfangsefna og geta valið aðferð sem við á hverju sinni
skilja merkingu og tengsl hugtaka í námsefninu og vinna með þau
átta sig á og gera greinarmun á nauðsynlegum og nægjanlegum skilyrðum fyrir lausnum verkefna
beita gagnrýninni hugsun og sýna áræði, frumkvæði og innsæi við lausn yrtra verkefna
leysa þrautir með skipulegum leitaraðferðum og uppsetningu jafna
klæða yrt verkefni í stærðfræðilegan búning, leysa það og túlka lausnina í samhengi við upphaflegt verkefni
fylgja og skilja röksemdir í mæltu máli og texta, þar með taldar sannanir í námsefni
geta beitt einföldum samsettum röksemdum
geta rakið sannanir í námsefninu og greint hvenær röksemdafærsla getur talist fullnægjandi sönnun
Námsmat er tilgreint í kennsluáætlun og samræmist skólanámskrá.