Enska fyrir náttúrufræði-, raungreina- og heilbrigðisbrautir
Samþykkt af skóla
3
5
MA
Þessi áfangi er heilsársáfangi, þ.e.a.s. hann nær yfir heilt skólaár, haustönn og vorönn. Í áfanganum auka nemendur við þekkingu sína á ýmsum málefnum tengdum vísindum. Farið er í margvíslegt efni sem tengist þessu. Einnig verður unnið með ýmis bókmenntaverk. Nemendur vinna í hópum eða að einstaklingsverkefnum, nýta sér orðabækur og rafræn hjálpargögn. Í áfanganum er einnig haldið áfram að fara markvisst í málfræði og málfræðiæfingar.
ENSK2BB05
Nemandi skal hafa öðlast þekkingu og skilning á:
ýmsum málefnum tengdum vísindum
flóknari og sértækari orðaforða sem tengist efni áfangans
orðaforða sem tengist léttari vísindatextum bæði í ræðu og riti
ýmsum textum tengdum vísindum, bæði í eigin menningu sem og í alþjóðlegu samhengi
ýmsu vísindatengdu hlustunarefni
orðaforða sem gerir honum kleift að tileinka sér með góðu móti lesefni í áframhaldandi námi eða starfi
uppbyggingu bókmenntatexta og hugtökum þeim tengdum
menningu þjóða þar sem tungumálið er talað sem og eigin menningu í alþjóðlegu samhengi
Nemandi skal hafa öðlast leikni í að:
taka virkan þátt í samskiptum og beita málfari við hæfi
skrifa ritgerðir eftir frekari fyrirmælum um uppsetningu (inngangur, efnisyrðing, meginmál og lokaorð)
lesa sér til skilnings texta sem byggja á sértækari orðaforða og tjá sig og draga fram upplýsingar úr hlustunarefni
lesa lengri bókmenntaverk
að beita ritmálinu í mismunandi tilgangi, fræðilegum og persónulegum, með stílbrigðum og málsniði sem við á og mætir hæfniviðmiðum þrepsins
Nemandi skal geta hagnýtt þá almennu þekkingu og leikni sem hann hefur aflað sér til að:
skilja án teljandi vandkvæða megininntak erinda og rökræðna, jafnvel um tiltölulega flókið efni ef hann þekkir vel til þess
lesa á milli línanna og átta sig á dýpri merkingu í texta
tjá sig á skýran og áheyrilegan hátt um efni sem hann hefur kynnt sér og beita tungumálinu af tiltölulega mikilli námkvæmni við margskonar aðstæður
skrifa ýmiskonar texta og fylgja þeim ritunarhefðum sem eiga við í hverju tilviki fyrir sig
nýta sér fyrirlestra, umræður og rökræður um efni sem hann hefur þekkingu á
skrifa gagnorðan, skilmerkilegan og vel uppbyggðan texta sem tekur mið af því hver lesandinn er
Námsmat er tilgreint í kennsluáætlun og samræmist skólanámskrá.