Í áfanganum LÖGF2LÖ05 - Inngangur að lögfræði verður lögfræði sem fræðigrein kynnt. Nemendur munu þjálfast í að lesa lög og greina réttarstöðu aðila og réttaráhrif laga. Markmið áfangans er að veita nemendum góða innsýn í aðferðafræði lögfræðinnar og er ætlað að hafa hagnýtt gildi til að veita nemendum þá grundvallarfærni og þekkingu sem þörf er á til þess að geta lesið og túlkað lög. Áfanginn hentar vel þeim nemendum sem stefna á áframhaldandi nám í lögfræði og nýtist sem val á 2. þrepi.
Nemandi skal hafa öðlast þekkingu og skilning á:
helstu hugtökum lögfræðinnar á öllum þeim réttarsviðum sem til umfjöllunar eru
þeim ólíku réttarheimildum og lögskýringargögnum sem stuðst er við í íslenskum rétti
þeim lögum og réttarreglum sem gilda á þeim réttarsviðum sem til umfjöllunar eru
þeim grundvallarréttindum sem tryggð eru í stjórnarskrá og Mannréttindasáttmála Evrópu
hlutverki og framkvæmd löggjafans við lagasetningu
helstu atriðum skaðabóta- og refsiréttar og þeirri aðferðarfræði sem þar er beitt
Nemandi skal hafa öðlast leikni í að:
leita og afla sér upplýsinga í lagasafni Alþingis og reglugerðarsafni Stjórnarráðsins
skilja notkun ákveðinna lykilhugtaka lögfræðinnar
móta og setja fram texta, lögfræðilegs eðlis, á ýmsan máta og átta sig á læsileika hans
leysa verkefni þar sem hann beitir gagnrýninni hugsun við úrvinnslu og kemur efninu á framfæri á skýran og skiljanlegan hátt
meta umfang og takmörk hinna ýmsu grundvallarréttinda sem tryggð eru í íslenskum rétti
sjá álitaefnin út frá ólíkum sjónarhornum
vinna sjálfstætt
Nemandi skal geta hagnýtt þá almennu þekkingu og leikni sem hann hefur aflað sér til að:
setja fram skoðanir sínar, taka þátt í rökræðum og túlka ólík sjónarmið á fordómalausan en gagnrýninn og ábyrgan hátt
efla með sér hæfni til sjálfstæðis í hugsun og vinnubrögðum sem og samstarfs
geta tekið afstöðu til siðferðilegra álitamála
vera virkur borgari í lýðræðisþjóðfélagi
bera virðingu fyrir mannréttindum
taka þátt í að móta samfélag sitt
geta unnið með merkingu og tengsl hugtaka í námsefninu
nýta sér lögfræðilega þekkingu til lausnar í sérhæfðum, raunhæfum verkefnum
beita gagnrýninni og skapandi hugsun við lausn verkefna
fylgja röksemdafærslu í mæltu máli og texta
vinna sjálfstætt að verkefnum og vera ábyrgur í heimildarleit