Áfanginn er að mestu verklegur þar sem áhersla er lögð á grunntækni og útbúnað í alpagreinum, skíðagöngu og á snjóbrettum. Í áfanganum er farið yfir uppbyggingu og þróun útbúnaðar, grunntækni hverrar greinar fyrir sig og nemendur þjálfa ýmsa tæknilega þætti. Jafnframt er nemendum kennd almenn umhirða og viðhald á eigin útbúnaði. Nemendur þurfa að taka þátt í skipulagðri skíða/snjóbretta þjálfun hjá viðurkenndu íþróttafélagi eða sérhæfðum þjálfara að minnsta kosti þrisvar sinnum í viku.
Nemandi skal hafa öðlast þekkingu og skilning á:
Grunntækni sinnar íþróttagreinar
Helstu hugtökum sem tengjast tækniatriðum greinarinnar
Þeim undirbúningi sem þarf til að stunda íþróttina
Grunnatriðum í viðhaldi á útbúnaði og mikilvægi reglulegs viðhalds
Útbúnaði sem þarf til að standast kröfur greinarinnar
Nemandi skal hafa öðlast leikni í að:
Framkvæma helstu tækniatriði sinnar greinar
Sjá um undirbúning og viðhald á eigin útbúnaði fyrir æfingar og keppni
Útbúa æfingadagbók
Nemandi skal geta hagnýtt þá almennu þekkingu og leikni sem hann hefur aflað sér til að:
Greina og meta eigin tækni og annarra og koma með hugmyndir að því hvað má bæta og hvernig
Taka ábyrgð á að eigin búnaður sé í góðu ástandi fyrir æfingar og keppni
Nýta þjálfun sína sem best til að ná sem bestum árangri í sinni íþrótt
Geta tekið þátt í umræðum um viðfangsefnin á faglegan og uppbyggilegan hátt
Í áfanganum er viðhaft leiðsagnarmat með símati alla önnina. Öll verkefni gilda til einkunnar. Nemendur þurfa að uppfylla skilyrði um mætingu og virkni í tímum. Áfanginn er metinn út frá verkefnaskilum, mætingu, virkni, færni, áhuga og sjálfstæði.