Í þessum áfanga er höfuðáherslan lögð á bakstur. Áhersla er lögð á undirbúning, framkvæmd og frágang við bakstur. Nemendur fá þjálfun í sjálfstæðum vinnubrögðum og samvinnu við aðra nemendur.
Nemandi skal hafa öðlast þekkingu og skilning á:
hvernig unnið er eftir uppskriftum/verklýsingum
að hægt er að leita uppskrifta á fjölbreyttan hátt
hvernig hægt er að baka á einfaldan hátt
notkun helstu mælitækja, áhalda og tækja í eldhúsi
góðum og skipulögðum vinnubrögðum í eldhúsi
mikilvægi hreinlætis við bakstur.
Nemandi skal hafa öðlast leikni í að:
baka kökur, brauð og útbúa aðrar veitingar
nálgast uppskriftir á fjölbreyttan hátt
vinna eftir uppskriftum
vinna á skipulagðan hátt í eldhúsi
nota helstu áhöld og tæki í eldhúsi á öruggan hátt
viðhafa hreinlæti við bakstur
leggja á borð og ganga frá eftir borðhald.
Nemandi skal geta hagnýtt þá almennu þekkingu og leikni sem hann hefur aflað sér til að:
baka kökur og brauð eða útbúa aðrar veitingar
nýta tæki og áhöld í eldhúsi við matargerð
sýna góða umgengni og hreinlæti við matargerð
fara eftir almennum öryggisatriðum við eldhússtörf
finna uppskriftir eftir ólíkum leiðum
sýna sjálfstæði í vinnubrögðum
ganga frá áhöldum og hráefni sem hefur verið notað.
Leiðsagnarmat er viðhaft í hverjum tíma. Fjölbreytt verkefni eru metin jafnt og þétt yfir önnina og áhersla lögð á umsagnir sem leiða nemandann áfram. Sjálfsmat og jafningjamat þar sem nemendur fá tækifæri til að meta sín eigin verk og vinnu og eins samnemenda sinna. Námsmat er nánar skilgreint í kennsluáætlun.