Áfanginn fjallar um mat og matarmenningu ólíkra menningarsvæða. Nemendur fræðast um sögu og uppruna matarins og hvernig hefðir, menning, trúarbrögð, landsvæði og fleira getur haft áhrif þar á. Nemendur kynnast fjölbreyttu hráefni og þjálfast í að matreiða rétti frá ýmsum löndum. Lögð er áhersla á að nemendur beri virðingu fyrir menningu og hefðum annarra þjóða. Nemendur fá þjálfun í undirbúningi, framkvæmd og frágangi við eldamennsku. Lögð verður áhersla á sjálfstæð vinnubrögð auk samvinnu nemenda.
Nemandi skal hafa öðlast þekkingu og skilning á:
hugtakinu matarmenningu og hversu misjöfn hún getur verið
sögu þeirra landa sem unnið er með hverju sinni
uppruna matvæla
mikilvægi hefða í mismunandi löndum
umburðarlyndi og virðingu fyrir sjálfum sér og öðrum
því að fylgja framandi uppskriftum
meðhöndlun, umgengni og meðferð matvæla
góðum og skipulögðum vinnubrögðum í eldhúsi.
Nemandi skal hafa öðlast leikni í að:
lesa úr og nota mismunandi uppskriftir frá ólíkum löndum og menningu
beita fjölbreyttum aðferðum og áhöldum við ólíka matargerð
nota óhefðbundin og ný hráefni á mismunandi hátt
skoða eigin neysluvenjur með tilliti til neysluvenja fólks í öðru löndum
vinna á skipulagðan hátt í eldhúsi
leggja á borð og ganga frá eftir borðhald.
Nemandi skal geta hagnýtt þá almennu þekkingu og leikni sem hann hefur aflað sér til að:
kynnast nýjum matarhefðum og nýrri matarmenningu
matbúa nýjar og framandi uppskriftir frá öðrum löndum
smakka og borða nýjan og framandi mat frá öðrum löndum
vera meðvitaður um eigin neysluvenjur og geta borið þær saman við aðrar
nýta tæki og áhöld í eldhúsi við matargerð
sýna góða umgengni og hreinlæti við matargerð
fara eftir almennum öryggisatriðum við eldhússtörf
finna uppskriftir eftir ólíkum leiðum
sýna sjálfstæði í vinnubrögðum.
Leiðsagnarmat er viðhaft í hverjum tíma. Fjölbreytt verkefni eru metin jafnt og þétt yfir önnina og áhersla lögð á umsagnir sem leiða nemandann áfram. Sjálfsmat og jafningjamat þar sem nemendur fá tækifæri til að meta sín eigin verk og vinnu og eins samnemenda sinna. Námsmat er nánar skilgreint í kennsluáætlun.