Í áfanganum er lögð áhersla á stærðfræði sem gagnast nemendum í daglegu lífi. Leitast er við að tala um stærðfræðina til að auka skilning nemenda á efninu. Nemendur fá þjálfun í tölvunotkun í tengslum við námið og skila verkefnum m.a. á rafrænu formi. Í áfanganum er stefnt að því að byggja upp sjálfstraust nemenda gagnvart stærðfræðinni. Unnið er að því að nemendur þroski tímaskyn sitt.
Nemandi skal hafa öðlast þekkingu og skilning á:
mikilvægi stærðfræðinnar í daglegu lífi
meðferð peninga
meðferð hjálpartækja (síma, tölvu, vasareiknis)
að finna mismunandi aðferðir og lausnir út frá gefnum upplýsingum
spilum í spilastokki
ýmsum spilum og þrautum
klukku.
Nemandi skal hafa öðlast leikni í að:
nota algeng stærðfræðitákn
vinna með tölur á fjölbreyttan hátt
beita grunn reikniaðgerðum (samlagningu, frádrætti, margföldun og deilingu)
nota hjálpartæki (síma, tölvu, vasareikni, forrit)
beita viðeigandi aðgerðum og nota þær á réttan hátt
fylgjast með tímanum.
Nemandi skal geta hagnýtt þá almennu þekkingu og leikni sem hann hefur aflað sér til að:
finna mismunandi aðferðir og lausnir út frá gefnum upplýsingum
setja fram tölulegar upplýsingar og skrá lausnir sínar á skipulagðan hátt
beita skipulögðum aðferðum við lausn verkefna sem tengjast námsefninu
temja sér gagnrýna en um leið skapandi hugsun
tileinka sér sjálfstæð vinnubrögð
nýta þau hjálpartæki sem bjóðast við stærðfræði daglegs lífs.
Leiðsagnarnám er viðhaft í hverjum tíma. Fjölbreytt verkefni eru metin jafnt og þétt yfir önnina og áhersla lögð á munnlegar og skriflegar umsagnir sem leiða nemandann áfram. Sjálfsmat og jafningjamat þar sem nemendur fá tækifæri til að meta sín eigin verk og samnemenda sinna.