Í áfanganum er lögð áhersla á að nemendur geti tjáð sig um sitt daglega líf á ensku, fjallað um áhugamál sín og hugðarefni. Vinnuferlið miðast við að efla færni og sjálfstæði til að afla sér upplýsinga á ensku um mismunandi áhugamál og tómstundir. Með verkefnavinnu æfa nemendur sig í að tjá sig munnlega og skriflega um áhugamál.
Nemandi skal hafa öðlast þekkingu og skilning á:
orðaforða í tengslum við áhugamál sitt
orðaforða sem tengist daglegu lífi og athöfnum
ýmsum aldurs- og áhugamiðuðum hugtökum
kostum þess að vera vel læs á enska tungu þegar kemur að upplýsingaöflun.
Nemandi skal hafa öðlast leikni í að:
taka þátt í og halda uppi samræðum
skilja texta við hæfi og vinna verkefni tengd honum
halda kynningu fyrir samnemendur og/eða kennara
leita uppi og finna afmarkaðar upplýsingar úr texta og myndmáli
stafsetja á réttan hátt algeng orð á ensku.
Nemandi skal geta hagnýtt þá almennu þekkingu og leikni sem hann hefur aflað sér til að:
hlusta á og skilja enskan texta
geta ritað skilaboð á enskri tungu varðandi áhugamál sín
beita virkri hlustun til að skilja inntak samræðna sem eiga sér stað í kennslustund
nota orðaforða og þekkingu í ensku við mismunandi aðstæður
nýta sér læsi í víðu samhengi
Leiðsagnarnám er viðhaft í hverjum tíma. Fjölbreytt verkefni eru metin jafnt og þétt yfir önnina og áhersla lögð á umsagnir sem leiða nemandann áfram. Sjálfsmat og jafningjamat þar sem nemendur fá tækifæri til að meta sín eigin verk og vinnu og eins samnemenda sinna. Námsmat er nánar skilgreint í kennsluáætlun.