Í þessum áfanga er lögð áhersla á umhverfið, bæði manngert og náttúrlegt. Vinnuferlið miðast við að efla færni og sjálfstæði til að afla sér upplýsinga um fjölbreytni heimsins og vekja áhuga á umhverfi og náttúru. Áhersla er á að nemendur kynni sér, í gegnum manngerðar byggingar og búsvæði, líf og tilveru fólks og dýra erlendis og á Íslandi. Með verkefnavinnu velta nemendur fyrir sér umhverfi og menningu í eigin landi og öðrum löndum.
Nemandi skal hafa öðlast þekkingu og skilning á:
orðaforða í tengslum við efni áfangans
að skilja samtal á myndbandi
greiningu fyrirmæla frá kennara á ensku
lestri texta sem nýtist í áfanganum
mismunandi híbýlum, náttúrulegum og manngerðum.
Nemandi skal hafa öðlast leikni í að:
taka þátt samræðum
lesa og skilja texta og vinna verkefni tengd honum
nýta sér orðaforða sem tengist híbýlum og byggingum
tjá sig munnlega um skoðanir sínar, ræða málefni líðandi stundar og halda uppi samræðum
halda kynningu fyrir samnemendur og/eða kennara.
Nemandi skal geta hagnýtt þá almennu þekkingu og leikni sem hann hefur aflað sér til að:
túlka megininnhald lesinna texta
nýta orðaforðann sem áfanginn byggir á
halda kynningu fyrir samnemendur og/eða kennara
auka sjálfstraust og trú á eigin getu við að skilja og tjá sig á ensku
nýta sér læsi í víðu samhengi.
Leiðsagnarnám er viðhaft í hverjum tíma. Fjölbreytt verkefni eru metin jafnt og þétt yfir önnina og áhersla lögð á umsagnir sem leiða nemandann áfram. Sjálfsmat og jafningjamat þar sem nemendur fá tækifæri til að meta sín eigin verk og vinnu og eins samnemenda sinna. Námsmat er nánar skilgreint í kennsluáætlun.