Áfanginn leggur áherslu á að nemendur í samvinnu við hópinn, kynnist einu enskumælandi landi ágætlega, s.s. staðsetningu, náttúru, menningu og sögu. Lokaverkefnið er að skipuleggja draumaferð til landsins.
Nemandi skal hafa öðlast þekkingu og skilning á:
mismunandi menningarheimum
orðaforða í tengslum við efni áfangans
mikilvægi þess að geta bjargað sér á ensku á ferðalögum og samskiptum erlendis
lestri texta sem nýtast í áfanganum
skiltum og leiðbeiningum í umhverfinu
flugvallarumhverfi.
Nemandi skal hafa öðlast leikni í að:
nýta sér orðaforða sem tengist ferðamennsku og ferðalögum
halda kynningu fyrir samnemendur og/eða kennara
átta sig á hvar best sé að leita sér upplýsinga á netinu
nota ensku sér til framdráttar á ferðalögum.
Nemandi skal geta hagnýtt þá almennu þekkingu og leikni sem hann hefur aflað sér til að:
nota orðaforða og þekkingu í ensku við mismunandi aðstæður
auka sjálfstraust og trú á eigin getu við að skilja og tjá sig á ensku
lesa í umhverfi, samskipti, tilfinningar og reglur í þeim tilgangi að átta sig á hvað er viðeigandi hverju sinni
geta nýtt sér tungumálið til að tjá sig í tengslum við ferðalög og ferðamennsku .
Leiðsagnarnám er viðhaft í hverjum tíma. Fjölbreytt verkefni eru metin jafnt og þétt yfir önnina og áhersla lögð á umsagnir sem leiða nemandann áfram. Sjálfsmat og jafningjamat þar sem nemendur fá tækifæri til að meta sín eigin verk og vinnu og eins samnemenda sinna. Námsmat er nánar skilgreint í kennsluáætlun.