Meginstef áfangans er matur og matarmenning. Með verkefnavinnu vinna nemendur að þema tengdu mat, matarmenningu, uppskriftum og uppruna fæðunnar. Nemendur læra að lesa uppskriftir á ensku ásamt því að lesa texta og horfa á myndir tengdar þemanu.
Nemandi skal hafa öðlast þekkingu og skilning á:
orðaforða í tengslum við efni áfangans
algengum orðum og orðasamböndum
eldhústengdum orðaforða
lestri uppskrifta á ensku
munn- og skriflegum fyrirmælum á ensku
mismunandi menningarheimum.
Nemandi skal hafa öðlast leikni í að:
skilja texta í gegnum hlustun, ritun og samtöl og vinna verkefni tengd honum
byggja upp og bæta við orðaforða út frá áhugamáli
lesa fjölbreytta texta tengda viðfangsefninu
halda stutta kynningu fyrir samnemendur og/eða kennara
leita uppi og finna afmarkaðar upplýsingar úr texta og myndmáli.
Nemandi skal geta hagnýtt þá almennu þekkingu og leikni sem hann hefur aflað sér til að:
túlka megininnhald lesinna texta
vinna með texta á fjölbreyttan hátt
beita aðferðum við að efla orðaforða sinn
auka sjálfstraust og trú á eigin getu við að skilja og tjá sig á ensku
nýta sér læsi í víðu samhengi.
Leiðsagnarnám er viðhaft í hverjum tíma. Fjölbreytt verkefni eru metin jafnt og þétt yfir önnina og áhersla lögð á umsagnir sem leiða nemandann áfram. Sjálfsmat og jafningjamat þar sem nemendur fá tækifæri til að meta sín eigin verk og vinnu og eins samnemenda sinna. Námsmat er nánar skilgreint í kennsluáætlun.