Lífsleikni með áherslu á heilbrigðan lífstíl, heilsu og forvarnir
LÍSÉ1HE04
2
Lífsleikni á sérnámsbraut
forvarnir, heilsa, lífsstíll
Samþykkt af skóla
1
4
Áfanginn fjallar um heilbrigðan lífsstíl, heilsu og forvarnir. Stuðlað er að jákvæðri sjálfsmynd nemenda með því að efla sjálfstraust og trú á eigin getu. Þeir fá þjálfun í að koma tilfinningum, hugsunum og skoðunum sínum á framfæri á fjölbreyttan hátt. Nemendur eru hvattir til að beita gagnrýnni hugsun, rökstyðja skoðanir sínar og taka tillit til skoðana annarra. Unnið með markmiðasetningu og mikilvægi heilbrigðs lífsstíls.
Nemandi skal hafa öðlast þekkingu og skilning á:
hugtökunum: heilbrigði, velferð, hollusta, hvíld, hreyfing, hreinlæti, hamingja og hugrekki
mikilvægi eigin ábyrgðar á velferð sinni
gildi heilbrigðs lífsstíls
skaðsemi fíknihegðunar/vímuefna
kostum góðs og heilbrigðs félagslífs
mikilvægi jákvæðrar framtíðarsýnar
mikilvægi kynheilbrigðis.
Nemandi skal hafa öðlast leikni í að:
bera ábyrgð á eigin velferð, líkamlegri og andlegri
afla sér heilsutengdra upplýsinga
skoða markmið sín og lífsstíl
meta gildi þess að lifa heilbrigðu og reglusömu lífi
nýta sér upplýsingar um forvarnir og heilsueflingu
leita sér upplýsinga varðandi kynfræðslu.
Nemandi skal geta hagnýtt þá almennu þekkingu og leikni sem hann hefur aflað sér til að:
tileinka sér jákvætt hugarfar
taka ábyrgð á eigin lífsstíl og vera meðvitaðri um að daglegar ákvarðanir og breytni hafa áhrif til framtíðar
nýta sér heilsutengdar upplýsingar
velja heilsueflandi lífsstíl
taka ígrundaðar ákvarðanir varðandi kynheilbrigði sitt.
Leiðsagnarnám er viðhaft í hverjum tíma. Fjölbreytt verkefni eru metin jafnt og þétt yfir önnina og áhersla lögð á umsagnir sem leiða nemandann áfram. Sjálfsmat og jafningjamat þar sem nemendur fá tækifæri til að meta sín eigin verk og vinnu og eins samnemenda sinna. Námsmat er nánar skilgreint í kennsluáætlun.