Lífsleikni með áherslu á mannréttindi, stjórnarfar og lýðræði
LÍSÉ1MA04
4
Lífsleikni á sérnámsbraut
lýðræði, mannréttindi, stjórnarfar
Samþykkt af skóla
1
4
Áfanginn fjallar um mannréttindi, stjórnarfar og lýðræði. Nemendur kynnast því hvaða réttindi og skyldur fylgja því að búa í lýðræðissamfélagi. Viðfangsefni áfangans eru borgaraleg réttindi, völd og áhrif einstaklinga auk þess sem samanburður er á milli stjórnarfars á Íslandi og annarra ríkja.
Nemandi skal hafa öðlast þekkingu og skilning á:
mikilvægi sjálfstæðis og eigin ábyrgðar í lýðræðissamfélagi
samfélagslegum gildum, siðfræði, mannréttindum og jafnrétti
fjölbreytileika
minnihlutahópum
að sjónarhorn allra er jafn mikilvægt
jafnréttisbaráttunni og áhrifum hennar
kynbundnu ofbeldi og afleiðingum þess
tjáningarfrelsi
mikilvægi upplýstrar umræðu og skoðanaskipta
gildi fjölmiðla í lýðræðissamfélagi.
Nemandi skal hafa öðlast leikni í að:
virða eigin skoðanir og annarra
skilja að öllum rétti fylgja skyldur
átta sig á fjölbreytileika samfélagsins og mismunandi menningarheimum
taka þátt í umræðum
afla upplýsinga um jafnréttismál
átta sig á birtingarmyndum mannréttinda fyrir sig sem einstakling
leita eftir aðstoð réttindagæslumanns
taka ábyrgð á gerðum sínum
nýta sér fjölmiðla sér til gagns og/eða gleði
gera grein fyrir stjórnsýslu landsins.
Nemandi skal geta hagnýtt þá almennu þekkingu og leikni sem hann hefur aflað sér til að:
tjá og rökstyðja skoðanir sínar, tilfinningar og hugðarefni
skilja mikilvægi þess að bera virðingu fyrir sjálfum sér og öðrum
átta sig á tengingu á milli réttinda og skyldna
taka þátt í samfélagi sem er í sífelldri þróun
skilja þá hugsun sem felst í hugtökunum lýðræði og mannréttindi
taka þátt í lýðræðissamfélagi á virkan og ábyrgan hátt
átta sig á fjölbreytileika samfélagsins og mismunandi menningarheimum
geta metið eigin stöðu í samfélaginu út frá mannréttindum, lýðræði og jafnrétti
taka afstöðu til málefna sem varða fólk með fötlun í samfélaginu
nýta sér upplýsingar frá fjölmiðlum á gagnrýnan hátt.
Leiðsagnarnám er viðhaft í hverjum tíma. Fjölbreytt verkefni eru metin jafnt og þétt yfir önnina og áhersla lögð á umsagnir sem leiða nemandann áfram. Sjálfsmat og jafningjamat þar sem nemendur fá tækifæri til að meta sín eigin verk og vinnu og eins samnemenda sinna. Námsmat er nánar skilgreint í kennsluáætlun.