Í þessum áfanga koma nemendur til með að teikna og afla sér hugmynda að kassabílum. Valdar eru tvær hugmyndir frá nemendum sem síðan er unnið með. Nemendur smíða tvo kassabíla, mála og skreyta.
Ævintýrateppi verður skapað þar sem unnið er með teikningar úr ævintýrum. Nemendur velja og vinna áfram með eina eða tvær teikningar. Ýmsum hlutum fyrir ung börn að glíma við verður komið fyrir í teppinu; t.d. reimar, tölur og rennilás.
Nemendur koma síðan til með að gefa kassabílana og ævintýrateppið til leikskóla.
Nemandi skal hafa öðlast þekkingu og skilning á:
notkun hugmyndabókar og skráningu hugmynda
sjálfstæðum vinnubrögðum og vandvirkni að allri vinnu
undirstöðuþáttum í notkun ýmissa handverkfæra
að vinna og taka þátt í sameiginlegu verkefni.
Nemandi skal hafa öðlast leikni í að:
skilja ferlið frá hugmynd að fullunnu verki
sýna frumkvæði að verkefnum sem gæti orðið að sameiginlegu verkefni
taka þátt og finna sína styrkleika í þessu sameiginlega verkefni
hlusta á samnemendur sína og virða þeirra athugasemdir.
Nemandi skal geta hagnýtt þá almennu þekkingu og leikni sem hann hefur aflað sér til að:
vinna með öðru fólki og virða skoðanir þess
dýpka skilning sinn á listrænni vinnu
öðlast áhuga á hvers konar sköpun og handverki
geta unnið á persónulegan hátt með eigin hugmyndir og útfært þær eftir sinni eigin getu í fallegan nytjahlut eða skreytingu.
Leiðsagnarnám er viðhaft í hverjum tíma. Fjölbreytt verkefni eru metin jafnt og þétt yfir önnina og áhersla lögð á umsagnir sem leiða nemandann áfram. Sjálfsmat og jafningjamat þar sem nemendur fá tækifæri til að meta sín eigin verk og vinnu og eins samnemenda sinna. Námsmat er nánar skilgreint í kennsluáætlun.