Í þessum áfanga eru skoðaðir vinnustaðir og vinnustaðamenning. Nemendur kynnast því hvað einkennir góðan vinnustað og hvernig einstaklingar geta stuðlað að góðri vinnustaðamenningu. Fjallað verður um hvernig jafnrétti allra skiptir máli við að skapa góðan vinnuanda.
Nemandi skal hafa öðlast þekkingu og skilning á:
mikilvægi góðra samskipta
jafnrétti kynjanna og stöðu þeirra í atvinnulífinu
rétti fólks með fötlun og skerta starfsgetu og stöðu þeirra í atvinnulífinu
eigin styrkleikum og áhugasviði þegar að starfsvali kemur.
Nemandi skal hafa öðlast leikni í að:
eiga samskipti við fólk með mismunandi skoðanir
fylgja samskiptareglum á vinnustað
eiga í jákvæðum samskiptum á vinnustað.
Nemandi skal geta hagnýtt þá almennu þekkingu og leikni sem hann hefur aflað sér til að:
eiga góð samskipti á vinnustöðum og virða mismunandi skoðanir
tilheyra starfsmannahópi
nýta sér eigin styrkleika og áhuga varðandi störf og atvinnuþátttöku
hafa trú á eigin færni og sjálfstraust til þess að takast á við ný verkefni.
Leiðsagnarnám er viðhaft í hverjum tíma. Fjölbreytt verkefni eru metin jafnt og þétt yfir önnina og áhersla lögð á umsagnir sem leiða nemandann áfram. Sjálfsmat og jafningjamat þar sem nemendur fá tækifæri til að meta sín eigin verk og vinnu og eins samnemenda sinna. Námsmat er nánar skilgreint í kennsluáætlun.