Í þessum áfanga er fjallað um algebru, jöfnur og grunnhugtök úr tölfræði. Áhersla er lögð á að þjálfa upp og læra ákveðin grunnatriði í stærðfræði með það fyrir augum að byggja upp sjálfstraust nemenda.
Nemandi skal hafa öðlast þekkingu og skilning á:
helstu grunnhugtökum í tölfræði
notkun og úrvinnslu ýmissa tölfræðigagna
aðgerðum á heilum tölum, forgangsröðun aðgerða og notkun sviga
undirstöðuatriðum í algebru og hvernig bókstafir eru notaðir til þess að tákna stærðir.
Nemandi skal hafa öðlast leikni í að:
vinna úr og nýta tölfræðigögn
einfalda algebrustæður
liða einfaldar þáttastærðir
þátta einfaldar liðastærðir
leysa einfaldar jöfnur með óþekktri stærð.
Nemandi skal geta hagnýtt þá almennu þekkingu og leikni sem hann hefur aflað sér til að:
nota tölfræði í tengslum við raunveruleg úrlausnarverkefni
nálgast lesefni á sjálfstæðan hátt
lesa einfalda stærðfræðitexta
geta unnið eftir fyrirmælum
láta skýringar fylgja með útreikningum
vanda alla framsetningu og nota stærðfræðitákn á viðeigandi hátt.
Leiðsagnarmat er viðhaft í hverjum tíma. Fjölbreytt verkefni eru metin jafnt og þétt yfir önnina og áhersla lögð á munnlegar og skriflegar umsagnir sem leiða nemandann áfram. Sjálfsmat og jafningjamat þar sem nemendur fá tækifæri til að meta sín eigin verk og samnemenda sinna.