Tölvuleikir, enska, tungumálið, íslenska og miðlun
í vinnslu
3
5
42
Í þessum áfanga verður fjallað um textasmíði og miðlun texta um tölvuleiki á fjölbreyttan hátt. Nemendur læra um grunnatriði fjölmiðlafræði, viðtalstækni, framkomu og miðlun. Nemendur leysa margs konar lesskilningstengd verkefni um tölvuleiki og vinna að þýðingum bæði á ensku og íslensku. Nemendur læra að miðla umfjöllunarefni sínu á fjölbreyttan hátt. Setja upp skýran og skilmerkilegan texta ætlaðan fjölbreyttum hópi viðtakenda. Gerð er ítarleg krafa um nákvæm og vönduð vinnubrögð.
10 einingar í íslensku á 2.þrepi og 10 einingar í ensku á 2. þrepi.
Nemandi skal hafa öðlast þekkingu og skilning á:
Orðaforða sem gerir honum kleift að tileinka sér lesefni í áframhaldandi námi og starfi.
Reglum um uppsetningu og miðlun texta á ólíku formi.
Grunnatriði fjölmiðlafræði.
Eigindlegri viðtalstækni
Nemandi skal hafa öðlast leikni í að:
Nýta sér fyrirlestra, rökræður, umræður og ýmsa miðla til að koma máli sínu á framfæri.
Beita gagnrýninni hugsun á viðfangsefni sitt.
Lesa texta sem gerir miklar kröfur til lesandans bæði á íslensku og ensku.
Flytja vel uppbyggða frásögn, kynningu eða greinagerð, draga fram aðalatriði, rökstyðja.
Skrifa greinar um tölvuleiki og miðla áfram til ólíkra markhópa.
Setja upp viðtöl tengt ólíkum viðfangsefnum.
Nemandi skal geta hagnýtt þá almennu þekkingu og leikni sem hann hefur aflað sér til að:
Lýsa skýrt og greinilega flóknum hlutum eða ferlum á sviði sem hann hefur kynnt sér ...sem er metið með... kynningarverkefnum
Taka viðtal og miðla niðurstöðum...sem er metið með... viðtalsverkefnum.
Skrifa texta með röksemdarfærslu þar sem fram koma meðrök og mótrök og þau eru vegin og metin ...sem er metið með... ritunarverkefnum
skrifa ritgerð sem fylgir kröfum um vísindalega framsetningu og meðferð heimilda ...sem er metið með... heimildaritgerð.
Í áfanganum er gert ráð fyrir leiðsagnarmati sem felst í því að nemandinn fái með skipulegum og reglulegum hætti upplýsingar frá kennara um hvernig hann stendur í náminu. Meðal námsmatsþátta eru ýmiss konar verkefni (bæði einstaklings- og hópverkefni, munnleg verkefni og skrifleg), ritunarverkefni, heimildaritgerð, viðtalsverkefni, vefsíða, kynningarverkefni, hlustunarverkefni auk styttri prófa.