Áfanginn er hluti af Erasmusverkefni þriggja skóla sem heitir „Let´s eat culture“. Í áfanganum fræðast nemendur um matarhefðir og matarmenningu frá Lanzarote (Spánn) og Castel di Sangro (Ítalía). Farnar verða 2 námsferðir á önninni þar sem nemendur fræðast um matar- og menningarsögu þessara tveggja landa. Í ferðunum verður unnið með ríkjandi matarhefðir og innkaupavenjur, eldað úr afurðum úr héraði sem og með fólki af staðnum, farið í skoðurnarferðir á markaði og í fyrirtæki. Í áfanganum halda nemendur dagbók sem verður notuð sem hluti af rafrænni matreiðslubók. Í lok áfangans setja nemendur saman rafræna matreiðslubók úr efni áfangans sem síðan verður deilt með samstarfsskólum í Erasmusverkefninu.
Nemandi skal hafa öðlast þekkingu og skilning á:
Matarhefðum á svæðinu sem heimsótt er
Hvernig svæðisbundnir réttir eru eldaðar og hvaða hráefni eru notuð
Matarinnkaupum í landinu sem heimsótt er
Matar- og menningarsögu svæðisins sem heimsótt er
Að lesa sér til um og taka þátt í að elda rétti af svæðinu
Grunnþáttum í mismunandi hefðum og matarmenningu
Uppruna hráefnis sem nemendur eru að nota
Þróa með sér aga, metnað, ábyrgð og jákvæðni í vinnubrögðum
Að meta eigið vinnuframlag og annarra
Nemandi skal hafa öðlast leikni í að:
Leita sér upplýsinga um matar- og menningarsögu
Skoða ólíka matarmenningu og ræða um hana
Taka þátt í samræðum um mismunandi matarmenningu og hefðir, færa rök fyrir máli sínu og virða skoðanir annarra
Búa til fróðleiksmola sem birtir verða í uppskriftabók áfangans
Lesa uppskriftir, fylgja þeim eftir og fjalla um megininntak þeirra
Þýða á erlend tungumál
Efla skilning sinn á menningu- og matargerð úr öðru landi
Upplifa, skynja og smakka það sem hann tekur þátt í að framreiða
Skoða hráefni sem til er í umhverfinu og elda það
Geta unnið saman í teymi, skipta með sér verkum og skiptast á
Geta sett fram hugmyndir sínar um íslenska rétti og bregðast við viðmælendum
Nemandi skal geta hagnýtt þá almennu þekkingu og leikni sem hann hefur aflað sér til að:
Tjá skoðanir sínar og tilfinningar um mat og matarmenningu
Vera meðvitaður um menningarlegt hlutverk matar
Sýna nokkurt sjálfstæði við framreiðslu matar undir leiðsögn kennara
Tjá sig um eigin upplifun við framreiðslu matar við aðra viðmælendur með almennri ígrundun og samanburði
Geta sett upp rafræna matreiðslubók á erlendu tungumáli á myndrænan hátt
Leysa úr viðfangsefnum í samstarfi við aðra
Þróa með sér aga, metnað, ábyrgð og jákvæðni í vinnubrögðum
Sýna umburðarlyndi og virðingu gagnvart öðrum menningarheimum
Meta eigið vinnuframlag
Í áfanganum er viðhaft símat alla önnina og lögð er áhersla á aga, metnað, virðingu, ábyrgð og jákvæðni í vinnubrögðum.
Öll verkefni gilda til einkunnar og þess vegna er það mikilvægt að nemendur stundi námið reglulega.