Í áfanganum er unnið í stærðfræðiforritinu Geogebra með lausnir rúmfræðilegra verkefna. Fjallað er um hugtök Evklíðskrar rúmfræði, rúmfræðilegar færslur og hnitarúmfræði. Farið er í nokkur undirstöðuhugtök Evklíðskrar rúmfræði, meðal annars skilgreiningar á hæð, miðlínu, helmingalínu horns og miðþverli, teikningar á þessum línum inn á mynd, skilgreiningar á helstu hugtökum varðandi flatarmyndir og flatarmál, reglur um miðpunkt umritaðs hrings og innritaðs hrings í þríhyrning og rúmfræðilegar færslur, s.s speglun, snúning og hliðrun.
Engar
Nemandi skal hafa öðlast þekkingu og skilning á:
helstu hugtökum Evklíðskrar rúmfræði
teikningu flatarmynda
Nemandi skal hafa öðlast leikni í að:
nota tölvu við að leysa rúmfræðileg vandamál
nota tölvu við að setja lausnir viðfangsefna skipulega fram
nota tölvu við að skrá röksemdafærslur og sannanir
nota tölvu við að teikna flatarmyndir
Nemandi skal geta hagnýtt þá almennu þekkingu og leikni sem hann hefur aflað sér til að:
skrá lausnir sínar skipulega, skiptast á skoðunum við aðra um þær og útskýra hugmyndir sínar og verk skilmerkilega á viðeigandi hátt
átta sig á tengslum ólíkra aðferða við framsetningu stærðfræðilegra hugmynda og viðfangsefna
skilja merkingu og tengsl hugtaka í námsefninu og vinna með þau
beita skipulegum aðferðum við að leysa úr viðfangsefnum og þrautum, s. s. út frá þekkingu á lausnum svipaðra þrauta, unnið til baka frá þekktum stærðum eða með því að setja upp jöfnur.