Nemendur dýpka þekkingu sína með verkefnum tengdum lita og formfræði, myndbyggingu og fjarvídd, ásamt því að kynnast mismunandi áferð og fjölbreyttum verkfærum fyrir akrýlmálun á pappír,viðarplötu og striga.Hugmyndavinna í vinnubók. Ætlast er til þess að nemandinn verði læsari á menningu samtímans og þá möguleika sem í boði eru.
LIGR1KY03 EÐA MYNL1GT03
Nemandi skal hafa öðlast þekkingu og skilning á:
Skapandi lausnaleit í gegnum tilraunavinnu.
Ólíkum aðferðum akrýlmálunar til sköpunar.
Að sjá fleiri og opnari möguleika í vinnuferlinu.
Sjálfum sér og hugsun í skapandi vinnu ásamt verklagi og umgengni með efni og áhöld.
Hvernig menning og listir tengjast atvinnusköpun og samfélagsþróun.
Gildi menningararfsins, hvort sem hann snýr að heimabyggð eða heiminum öllum.
Nemandi skal hafa öðlast leikni í að:
Nýta sér skissubók í hugmyndavinnu.
Vinna með akrýlmálningu á pappír, striga og viðarplötu.
Nota mismunandi tækni og áhöld/verkfæri fyrir málun.
Virkja hugmyndaflugið og þar með sköpunarkraftinn.
Geta notið lista og skapandi starfs á margvíslegu formi.
Skiptast á skoðunum og eiga uppbyggileg samskipti.
Nemandi skal geta hagnýtt þá almennu þekkingu og leikni sem hann hefur aflað sér til að:
Mála akrýlverk með fjölbreyttum aðferðum, efnum og áhöldum.
Vinna á persónulegan hátt með eigin hugmyndir og útfæra þær í myndverk með tilliti til lita-, formfræði og myndbyggingar.
Tileinka sér skapandi lausnahugsun í verkefnavinnunni.
Geta tjáð sig um eigin verk og annarra með opnum huga.
Leiðsagnarnám. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram. Engin skrifleg lokapróf.