Áfanginn er ætlaður nemendum sem eru að ljúka framhaldsskóla. Áhersla er lögð á að nemendur geri sér grein fyrir framtíðarmöguleikum sínum og hvert þeir stefna eftir lok framhaldsskóla. Hvort þeir stefni á frekara nám eða út á vinnumarkaðurinn. Nemendur átti sig á styrkleikum sínum, áhuga og hæfni þegar kemur að námi og störfum í framtíðinni. Farið er í markmiðssetningu og hvernig markmiðum er fylgt eftir. Nemendur kynnast því hvernig leitað er upplýsinga um nám og störf bæði hérlendis og erlendis og læri að búa til ferilskrá, kynningarbréf og fara í atvinnuviðtal.
Nemandi skal hafa öðlast þekkingu og skilning á:
hvaða háskólanám er í boði á Íslandi
hvernig finna má upplýsingar um háskólanám erlendis
hvað atvinnulífið hefur uppá að bjóða og hvar og hvernig sótt er um vinnu
hvar áhugi viðkomandi nemenda liggur
hverjir eru styrkleikar nemenda
hugtakinu markmið og hvernig markmiðasetning getur hjálpað nemendum
Nemandi skal hafa öðlast leikni í að:
átta sig á eigin áhuga, styrkleikum og hæfni þegar kemur að námi og starfi
skoða námsleiðir innanlands og erlendis
búa til ferilskrá, kynningarbréf og fara í atvinnuviðtal
setja sér markmið og fylgja þeim eftir
Nemandi skal geta hagnýtt þá almennu þekkingu og leikni sem hann hefur aflað sér til að:
taka upplýsta ákvörðun um framtíðaráform út frá eigin áhuga og markmiðum, hvort sem það er frekara nám eða vinna
átta sig á fjölda námsleiða í háskólum landsins og erlendis og vera fær um að leita sér upplýsinga á heimasíðum háskóla
sækja um vinnu með góða ferilskrá og umsókn
sækja um skóla með góða ferilskrá og kynningarbréf
Í áfanganum er viðhaft leiðsagnarmat með símati yfir áfangann. Öll vinna, þátttaka og verkefni í áfanganum gilda til einkunnar.