Í þessum áfanga fá nemendur innsýn í verklegt nám á sviði handverks og lista. Þeir kynnast ólíkri tækni og vinnuaðferðum í myndlist, listasögu og handverki og efla með því skynjun sína og hugsun á jákvæðan hátt. Eftir áfangann ættu nemendur að finna hvort þeir hafi áhuga á að kynna sér áframhaldandi nám á þessu sviði og geta þá stefnt í þá átt. Verkefnin eru fjölbreytt og nokkuð frjáls undir leiðsögn kennara og tímarnir þægilegir og bjóða upp á afslappað andrúmsloft. Ætlast er til að nemendur vinni nokkuð sjálfstætt, séu vandaðir í vinnubrögðum og þjálfist í því að breyta hugmynd í fullunnið verk. Eins er ýtt undir gagnrýna hugsun gagnvart eigin verkum og annarra. Megintilgangur listmenntunar er sá að nemendur læri að skapa og skynja í gegnum fjölbreyttan efnivið og finni nýjar og einstaklingsbundnar lausnir á viðfangsefnum sem hjálpar þeim að virkja skynfæri sín og verða næmari fyrir umhverfinu.
Nemandi skal hafa öðlast þekkingu og skilning á:
formum, línum og hreyfingum innan listsköpunar
gildi lita og notkun þeirra í umhverfi okkar
ferli frá hugmynd að fullunnu verki
aðferðum við listsköpun úr efnum sem skaða ekki umhverfið
nýtingu efniviðs úr daglegu umhverfi til listsköpunar
endurvinnslu
sjálfbærni og umhverfisvernd
mikilvægi þess að sýna öguð og vönduð vinnubrögð
sameiginlegum þræði í ólíkum listgreinum
Nemandi skal hafa öðlast leikni í að:
notkun hugmyndabókar og skráningu hugmynda
sjálfstæðum vinnubrögðum og vandvirkni í verkefnavinnu
að vinna með endurvinnslu efna úr nánasta umhverfi í listsköpun
að skipuleggja eigið vinnuferli og gera uppdrætti/hugmyndir að verkefni
umræðum um eigin verk og annarra nemenda
að þróa hugmynd yfir í fullunnið verk
að kynna niðurstöðu sínar á skilvirkan hátt
Nemandi skal geta hagnýtt þá almennu þekkingu og leikni sem hann hefur aflað sér til að:
nýta hæfni sína í listræna vinnu og sköpun
sýna frumkvæði í verkefnavinnu og verkefnavali
beita gagnrýnni og skapandi hugsun og sýna áræðni og frumleika við lausnir vinnu sinnar
geta unnið á persónulegan hátt með eigin hugmyndir og útfært þær eftir sinni eigin tilfinningu í fallegan nytjahlut, skreyti eða skúlptúr
geta opnað augun fyrir hinum hversdagslegu efnum og hlutum í nánasta umhverfi og nýtt þá í listsköpun
vinna með efni úr nánasta umhverfi
vera virkur í umræðum um umhverfið og endurnýjun
vera sjálfbær og tileinka sér endurvinnslu í listsköpun
Leiðsagnarnám. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram. Engin skrifleg lokapróf.