Í áfanganum er lögð áhersla á sjálfsskoðun í víðu samhengi. Unnið er með verkfæri sem gerir nemandanum kleift að ígrunda hugmyndir um framtíðina hvort sem er í námi, starfi eða einkalífi. Í ferðalagi nemenda um hugarheiminn er ætlast til að þeir ígrundi hlutverk sitt í lýðræðis- og jafnréttissamfélagi og hvernig það hlutverk hefur áhrif á ákvarðanatöku, hugmyndir, gildi, markmið og samskipti. Unnið er með helstu hugmyndir í náms- og starfsvali, verkefnastjórnun og leiðtogafærni. Horft er á efnið út frá fjölbreyttum sjónarhornum þar sem lögð er áhersla á lýðræði, jafnrétti og mannlegt atferli.
Að nemendur hafi lokið 100 einingum af námi til stúdentsprófs og þar af 15 einingum á þriðja þrepi.
Nemandi skal hafa öðlast þekkingu og skilning á:
viðfangsefni leiðtogafærni og stefnumótunnar
greiningartólum á borð við SVÓT og SMART
hugtökum samtalstækni
aflfræði hópa og áhrif samfélagsins á samskipti
hugtökum/aðferðum sem tengjast hugmyndavinnu og nýsköpun
hvar og hvernig megi leita að námi/starfi hérlendis og erlendis
fræðunum á bakvið áhugakannanir
hugtökum á borð við gildi, markmið og leiðtogafærni og mikilvægi þeirra til að móta skýra framtíðarsýn
Nemandi skal hafa öðlast leikni í að:
nýta sér leiðtogafærni í leik og starfi
þróa með sér samtalstækni á gagnrýninn hátt
framkvæma SVÓT greiningu
setja fram SMART markmið
ræða á gagnrýninn máta um eðli hópastarfs og hlutverk hvers og eins innan hóps
búa til náms- og starfsferilskrá
geta lesið úr niðurstöðum áhugakannana og nýtt niðurstöður í leit að námi og/eða starfi
undirbúa sig fyrir atvinnuviðtal
Nemandi skal geta hagnýtt þá almennu þekkingu og leikni sem hann hefur aflað sér til að:
velja nám og/eða starfsvettvang sem hentar áhugasviði hvort svo sem er hérlendis eða erlendis
nýta þau verkfæri sem notuð eru í áfanganum til þess að setja fram persónulega stefnumótunaráætlun þar sem sérstaklega er horft til gilda, markmiða og framtíðarsýnar með samfélagslega ábyrgð að leiðarljósi
auka færni sína í samtalstækni í leik og starfi
þróa hugmynd frá grunni með verkfærum verkefnastjórnunar og finna leiðir til þess að koma henni í framkvæmd
Leiðsagnarnám. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram. Engin skrifleg lokapróf.