Í þessum byrjunaráfanga fá nemendur að kynnast náttúruvísindum á fjölbreyttan hátt. Má þar helst nefna líffræði (vistfræði, frumulíffræði, erfðafræði), efnafræði, umhverfisfræði, jarðfræði og vísindaleg vinnubrögð. Í áfanganum verða eftirfarandi efnisþættir kynntir: eðli vísinda, helstu skref vísindalegra aðferða, SI-einingakerfið, mælinákvæmni og markverðir stafir, vistfræði, flokkun lífvera, lífverur í vistkerfi, hringrás kolefnis, framvinda vistkerfa, heilkjarnafrumur, dreifkjarnafrumur, frumulíffæri og starfsemi þeirra, efnafræði, atómið og frumefni, lotukerfið, efnajöfnur og efnahvörf, eldfjöll og helstu gerðir þeirra, Surtsey og myndun hennar. Lögð er áhersla á að nemendur tengi þá þekkingu sem þeir öðlast í efnafræði, líffræði og jarðfræði við náttúru Íslands, umhverfi sitt og daglegt líf.
STÆR2FF05 eða STÆR2FL02
Nemandi skal hafa öðlast þekkingu og skilning á:
rannsóknaraðferðum í náttúru- og raunvísindum
helstu ferlum vistkerfa
starfsemi frumunnar og mismunandi gerðir
sambandi umhverfis og erfða
uppbyggingu atóms
uppbyggingu lotukerfisins
mismundi gerðum eldfjalla
Nemandi skal hafa öðlast leikni í að:
framkvæma verklegar æfingar og vinna úr þeim
skrifa skýrslur í tengslum við verklegar æfingar
búa til myndrit, m.a. línurit, og nota myndritin til að draga ályktanir
teikna upp fæðuvef og skilgreina flutning orku og efnis innan fæðuvefsins
skilgreina helstu hlutverk frumulíffæra
leysa einföld erfðadæmi
lesa efnajöfnur og stilla þær
aðgreina efni í frumefni, efnasambönd og efnablöndur
nota lotukerfi
þekkja til helstu eldstöðva Íslands og gerð þeirra
Nemandi skal geta hagnýtt þá almennu þekkingu og leikni sem hann hefur aflað sér til að:
sýna sjálfstæði í vinnubrögðum og bera ábyrgð á eigin námsframvindu
vinna í hóp til þess að auka skilning á fyrirbærum náttúru- og raunvísinda
tengja þekkingu sína í efnafræði, líffræði og jarðvísindum við umhverfi sitt og náttúru Íslands
segja frá og kynna vinnu sína fyrir öðrum
auka vísindalæsi
Leiðsagnarnám. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram. Engin skrifleg lokapróf.