Gagnasöfn, flokkun og einkennishugtök um þau. Tíðni og tíðnidreifing, myndrit. Dreifing og stærðir sem einkenna dreifingu gagnasafna. Verkefni eru unnin með aðstoð reiknitækja (Excel).
Nemandi skal hafa öðlast þekkingu og skilning á:
helstu talningarreglum
grundvallaratriðum tölfræði, s.s. meðaltölum, fylgni, normaldreifingu, öryggisbili, dreifingum og frávikum
Nemandi skal hafa öðlast leikni í að:
meðhöndla tölur og talnamengi
nota reikniforritið við tölfræðilega útreikninga
Nemandi skal geta hagnýtt þá almennu þekkingu og leikni sem hann hefur aflað sér til að:
skrá lausnir sínar skipulega, skiptast á skoðunum við aðra um þær og útskýra hugmyndir sínar og verk skilmerkilega á viðeigandi hátt
átta sig á tengslum ólíkra aðferða við framsetningu stærðfræðilegra hugmynda og viðfangsefna
skilja merkingu og tengsl hugtaka í námsefninu og vinna með þau
geta fylgt og skilið röksemdir og röksamhengi í mæltu máli og texta