Í áfanganum er unnið með heimsmarkmið Sameinuðu þjóðanna um sjálfbæra þróun og undirmarkmið þeirra. Nemendur vinna fjölbreytt skapandi verkefni um markmiðin og leitast við að túlka þau í gegnum listgreinarnar fjórar, myndlist, ljósmyndun, tónlist og ritlist. Nemendur kynnast þannig innihaldi heimsmarkmiðanna og leitast við að finna lausnir á þeim.
10 e. á 2. þrepi í listgreinum
Nemandi skal hafa öðlast þekkingu og skilning á:
merkingu heimsmarkmiðanna
tengslum milli umhverfis, hegðunar neytenda og mannréttinda
fjölbreyttum leiðum einstaklingsins til vistvænna lifnaðarhátta
að sköpun er hægt að vinna í hvaða miðli sem er
endurnýtingu í listsköpun
konsept-hugsun
vinnuumhverfi, vinnutækjum og áhöldum sinnar skapandi hugsunar
skapandi hugsun og hugflæði
hugmyndafræði sjálfbærrar þróunar í sköpun
að þróa með sér aga, metnað, ábyrgð og jákvæðni í vinnubrögðum
Nemandi skal hafa öðlast leikni í að:
tengja heimsmarkmið við umhverfisvernd og hnattrænt jafnræði
útskýra og beita hugtakinu sjálfbærni
ræða og rökstyðja hvernig mannréttindi, hagkerfi og umhverfisvernd tengjast sjálfbærni
beita skapandi hugsun
sjá möguleika skapandi hugsunar í mismunandi miðlum
tjá sig um eigin sköpun
beita mismunandi miðlunarleiðum í sköpun sinni
nýta sér hugarflæði í hugmyndavinnu
leysa úr viðfangsefnum einn eða í samstarfi við aðra
skiptast á skoðunum og setja fram hugmyndir sínar og bregðast við viðmælendum
Nemandi skal geta hagnýtt þá almennu þekkingu og leikni sem hann hefur aflað sér til að:
átta sig á áhrifum hvers einstaklings sem neytanda á umhverfi og samfélög
taka þátt í nýsköpun sem leiðir til sjálfbærni
minnka umhverfisáhrif sín með því að draga úr sóun og endurnýta eða endurvinna það sem hægt er á skapandi og nýstárlegan hátt
ræða og túlka á gagnrýninn hátt upplýsingar sem tengjast heimsmarkmiðunum
vera virkur og ábyrgur þátttakandi í umræðu um umhverfismál og mannréttindi
vera skapandi í hugsun
vera meðvitaður um sjálfbæra þróun og endurnýtingu í listsköpun
vera meðvitaður um menningarlegt hlutverk listsköpunar
fullvinna hugmyndir undir leiðsögn kennara
skapa eigin verk byggt á eigin listrænum styrk undir leiðsögn kennara
tjá sig hiklaust um eigin sköpun við aðra viðmælendur
skilgreina eigin verk og hugmyndir
taka þátt í sýningu þar sem nemandinn miðlar verkum sínum
Í áfanganum er viðhaft símat alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega.