almenn jarðsaga, jarðskorpuhreyfingar, landrek o.fl, myndun kviku og bergfræði
Samþykkt af skóla
3
5
1) Aldursgreiningar jarðlaga: Notkun á afstæðum og raunaldursgreiningum. Notkun geislavirks niðurbrots sameinda til aldursákvarðana. 2) Almenn jarðsaga: Uppruni og myndun jarðar, tímatal, aldur jarðar, aldursákvarðanir, jarðsögutaflan og skiptingu hennar. Þróun lífs, fyrstu lífverur, breytingar í lífríki, þróun einstakra hópa lífvera, s.s. fiska, lindýra, skriðdýra, fugla og spendýra, þróun mannsins. Fjöldadauði lífvera og tilgátur um orsakir og afleiðingar. 3) Jarðskorpuhreyfingar og landrek: Farið yfir helstu tilgátur og kenningar og rökfærslur fyrir þeim. 4) Opnun N-Atlantshafs og myndun Íslands. 5) Þjálfun í öflun og framsetningu gagna sem lýkur með jarðfræðiráðstefnu. 6) Skoðun jarðfræðilegra fyrirbæra í náttúrunni.
JARÐ2AJ05
Nemandi skal hafa öðlast þekkingu og skilning á:
kenningum um uppruna og aldur jarðar
hvernig aldur er ákvarðaður
geti skýrt jarðsögutöfluna og sagt frá einkennum hverrar aldar í sögu jarðar
þróun lífríkis á jörðinni út frá völdum dæmum um þróun einstakra hópa lífvera
loftslagsbreytingum í gegnum jarðsöguna
mismunandi kenningum um fjöldadauða lífvera
ísöldum og kenningum um orsakir þeirra
landreki og geti skýrt, með tilliti til þess, myndun valinna svæða á jörðinni
jarðsögu Íslands með tilliti til mismunandi þátta s.s. landreks, loftslags, jarðlaga, eldvirkni og lífríkis
Nemandi skal hafa öðlast leikni í að:
afla gagna og setja fram á skipulegan hátt
hugsa um tíma á jarðfræðilegum skala
nota hugbúnað (t.d. Office Excel, PowerPoint og Word) til gagns
skoða og mæla fyrirbæri í felti
Nemandi skal geta hagnýtt þá almennu þekkingu og leikni sem hann hefur aflað sér til að:
sýna sjálfstæð og öguð vinnubrögð, virkni í gagnaöflun og geta lagt sjálfstætt mat á upplýsingar við úrvinnslu og geta sett fram niðurstöður á skilmerkilegan hátt
hafa grunn til að dýpka þekkingu sína á afmörkuðum þáttum jarðsögunnar
geta sett loftlagsbreytingar í gegnum jarðsöguna í tengsl við þær breytingar á loftslagi sem eiga sér stað á hverjum tíma
tengja undirstöðuþætti jarðfræðinnar við umhverfi sitt og geta fjallað á rökrænan hátt um mikilvægi og notagildi þeirra fyrir daglegt líf