Líkindareikningur: Líkindi og helstu líkindadreifingar og útreikningar tengdir þeim. Tölfræði: Ályktunartölfræði, grunnatriði úrtaksfræði. Kenndar eru nokkrar helstu úrvinnsluaðferðir innan ályktunartölfræði. Megin markgildissetning tölfræðinnar. Tilgátur og prófanir.
STÆR2TÖ05
Nemandi skal hafa öðlast þekkingu og skilning á:
algengustu líkindadreifingum
ályktunartölfræði
öryggisbil
framsetningu tilgáta og prófana á þeim
öflun tölfræðilegra upplýsinga
þekkja fervikagreiningu (ANOVA), aðhvarfsgreiningu og áreiðanleikapróf með tölfræðiforritum
Nemandi skal hafa öðlast leikni í að:
nýta einfalda líkindadreifingu sem líkan við útreikning líkinda
fara með hugtökin öryggisbil, öryggismörk, skekkjumörk, öryggisstig o.s.frv.
setja fram tilgátu og gera á henni viðeigandi tölfræðilegt próf
reikna fylgni milli tveggja breytna
nýta tölfræðileg forrit við gagnavinnslu, prófanir og ályktanir
geta reiknað fervikagreiningu í aðhvarfsgreiningu og áreiðanleikapróf með tölfræðiforritum
Nemandi skal geta hagnýtt þá almennu þekkingu og leikni sem hann hefur aflað sér til að:
skrá lausnir sínar skipulega, skiptast á skoðunum við aðra um þær og útskýra hugmyndir sínar og verk skilmerkilega á viðeigandi hátt
skilja merkingu og tengsl hugtaka í námsefninu og vinna með þau
geta fylgt og skilið röksemdir og röksamhengi í mæltu máli og texta
beita skipulegum aðferðum við að leysa úr viðfangsefnum og þrautum, s. s. út frá þekkingu á lausnum svipaðra þrauta, unnið til baka frá þekktum stærðum eða með því að setja upp jöfnur
fella stærðfræðileg viðfangsefni inn í þá þekkingu og færni sem hann býr yfir
vera fær um að túlka niðurstöður þessara prófa og dregið viðeigandi ályktanir