Nemendur kynnast sálfræðilegum veruleika (vandamálum og lausnum) úr frá myndefni (kvik- eða fræðslumyndum). Vandlega er farið í kvikmyndir sem taka sérstaklega á ákveðnum sálfræðilegum viðfangsefnum. Ákveðnar myndir eru skoðaðar og nemendur vinna síðan rannsóknarvinnu til að meta sanngildi þeirra sálfræðilegu þátta sem koma fram í myndunum. Dæmigerð viðfangsefni eru ýmsar geðraskanir, sálfræðileg meðferðarúrræði, þroski, þroskafrávik, félagsmótun, kynhlutverk, staðalmyndir, fordómar, viðhorf, múgæsingur, hlýðni við yfirvöld og hópar svo eitthvað sé nefnt
SÁLF2IS05 Inngangur að sálfræði
Nemandi skal hafa öðlast þekkingu og skilning á:
helstu kvikmyndum sem taka á sálfræðilegum málum
nokkrum helstu tegundum kvikmynda og þeirri sálfræði sem þar er á bakvið
á umfangi þess vandamáls sem kennt er hverju sinni.
Nemandi skal hafa öðlast leikni í að:
greina sálfræðileg viðfangsefni í kvikmyndum
bera kvikmyndir saman út frá sálfræðilegri nálgun þeirra
finna fleiri kvikmyndir sem kynna sama þema og tekið er fyrir í áfanganum
gagnrýna það hvernig kvikmyndir mistúlka sálfræðileg viðfangsefni.
Nemandi skal geta hagnýtt þá almennu þekkingu og leikni sem hann hefur aflað sér til að:
vega og meta það sem er rétt og rangt um sálfræðileg viðfangsefni í kvikmyndum
meta sérstöðu kvikmyndamiðilsins
aðgreina ólíkar kvikmyndir út frá nokkrum grundvallaratriðum.
Leiðsagnarnám. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram. Engin skrifleg lokapróf.