Unnið er með hugmyndafræði nýsköpunar þar sem markmið áfangans er að nemandinn dýpki skilning sinn á aðferðum og ferli uppfinninga- og nýsköpunar við úrlasun vandamála. Áfanginn býður nemendum upp á námsvettvang til þess að greina raunveruleg vandamál og úrlausnarefni í nærumhverfi sínu og náttúru; læra nýjar aðferðir við lausn vandamála; æfa sig í að tjá rödd sína, auk þess að byggja upp svokallaða færni fyrir 21. öldina eins og teymisvinnu, lausnamiðun, gagnrýna hugsun og umhverfislæsi. Þá er áfanganum ætlað að nýta nýstofnað STEM námsvistkerfi með því að tengja saman nemendur, skóla, atvinnulíf, náttúru, vísindafólk og FabLab smiðju. Sem hluti af náminu fara nemendur í vettvangsheimsóknir í fyrirtæki og rannsóknarstofnanir, auk þess sem gestafyrirlesarar flytja efni tengt nýsköpun og samfélagi.
Nemandi skal hafa öðlast þekkingu og skilning á:
Ýmsum hugtökum frumkvöðlafræðinnar
Geta sett nýsköpun og rannsóknir í samhengi við nærumhverfi sitt og samfélag
Hugtökum og aðferðum innviðakortlagningar
Framkvæmd rannsóknarvinnu í hugmyndaþróunarstarfi
Aðferðum til þess að túlka niðurstöður rannsókna og greiningar
Hugmyndafræði og ferli uppfinninga- og nýsköpunar
Nemandi skal hafa öðlast leikni í að:
Rannsaka og þarfagreina umhverfi sitt með tilliti til nýsköpunar
Túlka niðurstöður rannsóknarvinnu
Beita mismunandi úrvinnsluaðferðum í hugmyndavinnu
Vinna í teymisvinnu
Skrásetja þróun og framkvæmd hugmynda
Skýra hugmyndir sínar á margvíslegan máta
Nemandi skal geta hagnýtt þá almennu þekkingu og leikni sem hann hefur aflað sér til að:
Sýna frumkvæði og skapandi nálgun í hugmyndastarfi
Greina og sjá tækifæri til nýsköpunar
Beita rannsóknum í athugunum sínum og hugmyndavinnu
Þróa og vinna hugmyndir í samvinnu með öðrum
Beita sjálfstæðum vinnubrögðum í þróun hugmynda
Vinna hugmyndir á margvíslegan og fjölbreyttan máta
Í áfanganum er gert ráð fyrir leiðsagnarmati sem byggist á því að nemandinn fái með skipulegum og reglulegum hætti upplýsingar frá kennara um hvernig hann stendur í náminu.