Starfsþjálfun matvælaiðnaðar er samtals 22 einingar sem skiptist í þrjá áfanga. Þeir eru fimm, ellefu og sex einingar og eru á mismunandi þrepum. Nemendur velja einn vinnustað til að taka allt starfsnámið. Fyrir hverja einingu í starfsþjálfun þarf nemandi að vinna sem svarar þremur vinnudögum.
Í starfsþjálfun öðlast nemandinn aukna þekkingu, leikni og hæfni í öllum almennum störfum vinnslunnar undir leiðsögn fagaðila. Þá æfir hann sig í notkun helstu tækja og búnaðar á vinnustaðnum.
Engar
Nemandi skal hafa öðlast þekkingu og skilning á:
vinnustaðamenningu og verksviðum vinnustaðarins
helstu öryggis- og umhverfisatriðum sem snerta vinnustaðinn og starfsstöðvar hans
áhöldum og tækjum sem notuð eru á vinnustaðnum
gildi lausnamiðaðra samskipta og mikilvægi sveigjanleika, virðingar og aðlögunarhæfni í starfi.
vinnslu við vélar
Nemandi skal hafa öðlast leikni í að:
taka tilsögn og fylgja ákveðnum starfsreglum og/eða -ferlum
vinna í samræmi við gildi og stefnu vinnustaðar
vinna í samræmi við viðurkenndar öryggisreglur og öryggisbúnað á vinnustaðnum
koma í veg fyrir krossmengun
sýna fram á gildi lausnamiðaðra samskipta og mikilvægi sveigjanleika, virðingar og aðlögunarhæfni í starfi
að umgangast stærri vélar við vinnslu
Nemandi skal geta hagnýtt þá almennu þekkingu og leikni sem hann hefur aflað sér til að:
nýta algengustu áhöld og tæki innan atvinnugreinarinnar
fylgja öryggisráðstöfunum á vinnustað
skilja mikilvægi góðra samskipta og samvinnu á vinnustað
sinna vel þeim verkefnum sem honum eru falin
kynnast notkun og viðhaldi á áhöldum og tækjum
Námsmat fer fram jafnt og þétt yfir starfstímann og er í höndum hverrar starfsstöðvar fyrir sig. Nái nemendur flestum þeirra markmiða og viðmiða sem áfangalýsingin setur fram stenst hann áfangann.