Nemendur kynnast grunnatriðum í grafískri uppsetningu og vektorteikningu og auka skilning sinn á mikilvægi skipulagðrar hugsunar við grafíska framsetningu m.a. í samhengi við gerð ferilmöppu til kynningar á eigin verkum. Áhersla er lögð á að nemendur kynnist forritum og fjölbreyttum möguleikum þeirra sem hægt er að nýta við skapandi úrvinnslu verka sem byggja á stafrænni tækni. Nemendur kynnast möguleikum vektorteikningar og fá þjálfun í að vinna með samspil mynda og texta. Nemendur þjálfast í ferilmöppugerð sem mögulegt er að nýta vegna umsóknar um framhaldsnám á háskólastigi.
engar
Nemandi skal hafa öðlast þekkingu og skilning á:
hönnunarforritum og möguleikum þeirra til skapandi úrvinnslu
grunnatriðum í grafískri uppsetningu
grunnatriðum í vektorteikningu
samspili mynda og texta í grafískri framsetningu
hvernig gengið er frá stafrænu efni
Nemandi skal hafa öðlast leikni í að:
vinna með vektorteikningu
vinna með myndir og texta í hönnunarforritum
velja viðeigandi forrit til að setja verkefni sín fram
Nemandi skal geta hagnýtt þá almennu þekkingu og leikni sem hann hefur aflað sér til að:
vinna á sjálfstæðan og skapandi hátt með margvísleg forrit við vinnslu og framsetningu á eigin hugmyndum og verkum
fullvinna verk með viðeigandi hætti með tilliti til þess á hvaða formi verkið skal birt
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.