Nemendur kynna sér helstu stílbrigði og þróun í lista- og hönnunarsögu, á heimsvísu og á Íslandi, frá öndverðu fram að iðnbyltingu. Markmið áfangans er að nemendur geri sér grein fyrir eðli þeirra þátta sem mótað hafa listsköpun mannsins í gegnum tíðina. Helstu þræðir lista- og hönnunarsögunnar eru raktir og settir í samhengi við samfélagsbreytingar á hverjum tíma.
Nemendur nýta sér fjölbreytta miðla við upplýsingaleit, þekkingaröflun og framsetningu verkefna.
engar
Nemandi skal hafa öðlast þekkingu og skilning á:
helstu stíleinkennum og stefnum í listasögu frá hellamálverkum til og með iðnbyltingu og helstu hugtökum sem tengjast þeim
menningarlegri og hugarfarslegri þróun og margbreytileika í mannlegu samfélagi
hvernig listsköpun er nátengd samfélagslegum veruleika: landfræði, áhrif gróður og veðurfar, tækniframfarir á hverjum stað á hverjum tíma.
samfélagslegu, menningarlegu og efnahagslegu gildi listsköpunar
tengslum heimspeki, myndlistar og hönnunar
Nemandi skal hafa öðlast leikni í að:
beita sjálfstæðum vinnubrögðum og tileinka sér gagnrýna hugsun
nota fagbókmenntir, tímarit, veraldarvefinn og fjölmiðla í upplýsingaöflun og gagnasöfnum
vinna á sjálfstæðan og skapandi hátt undir leiðsögn kennara að afmörkuðum verkefnum
nota hugtök sem tengjast faginu til að tjá skoðanir sínar og rökstyðja þær
nota mismunandi miðlunarleiðir í framsetningu verkefna
Nemandi skal geta hagnýtt þá almennu þekkingu og leikni sem hann hefur aflað sér til að:
gera grein fyrir niðurstöðum verkefna sinna á fjölbreyttan, áhugaverðan og gagnrýninn hátt
bera saman, finna tengsl og draga ályktanir af listasögunni og þróun hennar og hvaða áhrif listsköpun hefur á samfélag á hverjum tíma
sýna sjálfstæði við útfærslu verkefna, einn og í hópavinnu undir leiðsögn kennara
setja listasöguna í menningarlegt og félagslegt samhengi og geri sér grein fyrir hvaða áhrif staðhættir, náttúruauðlindir, tækniframfarir og stjórnarfar hafa á listræna sköpun/myndlist
taka þátt í samvinnu með umburðarlyndi og virðingu fyrir öðrum að leiðarljósi
ræða um verkefni sín við aðra með almennri ígrundun og samanburði
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.