Í áfanganum eru grunnhugtök og meginviðfangsefni þjóðhagfræðinnar kynnt. Fjallað er um grunneiningar hagkerfisins og samspil þeirra í markaðsþjóðfélagi. Hringrás efnahagslífsins er útskýrð og fjallað um helstu hagstæðir þjóðarbúsins og tengsl þeirra. Meginþættir í efnahagsþróun eru teknir fyrir og hagræn vandamál skoðuð með dæmum úr íslensku efnahagslífi. Kynnt er margvísleg framsetning á hagfræðilegu efni. Nemendur fá þjálfun í að lesa úr línuritum og innsýn í notkun vísitalna, hlutfallareiknings og fleiri algengra aðferða við vinnslu á hagfræðilegum upplýsingum. Áhersla er lögð á að nemendur geti hagnýtt sér Netið til öflunar tölulegra upplýsinga. Nemendur vinna sjálfstæð verkefni sem tengjast efnahagsþróun á Íslandi í dag og taka þátt í umræðum sem tengjast hagfræði. Kennsluaðferðir miða að auknu sjálfstæði og ábyrgð nemenda á eigin námi.
Engar
Nemandi skal hafa öðlast þekkingu og skilning á:
hagfræði sem fræðigrein, meginviðfangsefnum hennar og grundvallarspurningum
mismunandi hagkerfum; innviðum hagkerfa og hlutverkum þeirra
lögmálum markaðarins, framboði og eftirspurn og meginþáttum verðmyndunar á markaði
umsvifum hins opinbera í efnahagslífi; ráðherrum og ráðuneytum
hlutverki seðlabanka
vandamálum í efnahagslífinu; verðbólgu, atvinnuleysi og erlendum skuldum
framleiðsluþáttum og flokkun atvinnugreina
verðteygni, geta reiknað og lagt mat á verðteygni
markaðsaðstæðum
þjóðarframleiðslu, landsframleiðslu og hagvexti
Nemandi skal hafa öðlast leikni í að:
nota framboðs- og eftirspurnarlínurit til að skoða þróun á markaði
reikna út þjóðhagstærðir og hlutfallslegar breytingar á milli ára
reikna hagvöxt
reikna verðteygni
lesa heimasíður sér til gagns
tjá sig skriflega um efnahagsleg málefni
Nemandi skal geta hagnýtt þá almennu þekkingu og leikni sem hann hefur aflað sér til að:
leggja mat á upplýsingar um efnahagsmál
taka þátt í daglegri efnahagsumræðu út frá faglegu sjónarmiði
tengja undirstöðuþekkingu í þjóðhagfræði við þróun efnahagsmála
afla sér frekari þekkingar um hagfræði og geti nýtt upplýsingatækni og Netið við öflun upplýsinga og lausn verkefna sem tengjast hagfræðilegum viðfangsefnum.