Þessi áfangi fjallar um umhverfismál og byggir ofaná grunnáfanga í efnafræði, líffræði og jarðfræði með þverfaglegri nálgun að umhverfisfræði. Áfanganum er ætlað að dýpka skilning nemenda á samhengi fræða, umhverfis og þeirra eigin lífsstíls. Helstu efnisþættir eru: umhverfi, nær- og fjarumhverfi og landslag jarðar; áhrif mannsins á vistkerfi jarðar; umhverfissiðfræði, sjálfbær þróun og alþjóðleg samvinna; orka, orkugjafar, kol, olía, vatnsafl og jarðhiti; skipulagsmál, manngert umhverfi; nýting jarðefna, endurnýjanlegar auðlindir, endurnýting, mengun, sorp, úrgangur og flokkun, vistvænn lífsstíll. Áhersla er lögð á efnafræðilega nálgun og notkun stærð- og tölfræði við skoðun og lausn viðfangsefna. Í áfanganum eru fyrrnefndar grunngreinar, einkum efnafræði, notaðar til að skoða samspil umhverfis og athafna mannsins. Helstu hugtök sem tengjast umræðu um umhverfismál eru kynnt. Mikilvægi þess að nota fræðilegan grunn og hugtök umhverfisfræðinnar sem forsendu að ákvarðanatöku varðandi lífsstíl manna skoðað. Nemendur vinna sjálfstætt og í hópum, lögð verður áhersla á þemavinnu auk þess sem kynntar verða stofnanir og fyrirtæki sem tengjast málefnum og efni áfangans.
LÍFF2GR05, JARÐ2AJ05 og EFNA2EH05
Nemandi skal hafa öðlast þekkingu og skilning á:
hugtökum fræðigreinarinnar umhverfisfræði
efnafræðinni sem liggur að baki helstu umhverfisvandamálum samtímans
viðhorfum umhverfissiðfræðinnar
hverjar eru auðlindir jarðar og hvernig nýtingu þeirra er háttað
orkubúskap jarðar og helstu orkugjöfum
kenningum um áhrif mannsins á umhverfið
alþjóðlegri samvinnu varðandi umhverfismál
Nemandi skal hafa öðlast leikni í að:
tengja saman ólíkar fræðigreinar sem varða umhverfismál
lesa efni um umhverfismál á gagnrýninn hátt
taka rökstuddar ákvarðandir um eigin lifsstíl og neyslu
tengja saman siðferðisvitund og vitund um orsakir og afleiðingar af gerðum mannsins
vinna með öðrum að lausnum
Nemandi skal geta hagnýtt þá almennu þekkingu og leikni sem hann hefur aflað sér til að:
skilja umræðu og hugtök tengd umhverfismálum
taka ábyrga og rökstudda afstöðu til umhverfismála
geta tekið virkan þátt í umræðu og ákvarðanatöku um nýtingu náttúruauðlinda
skilja samhengi nýtingar auðlinda og áhrifa hennar á lífríki og landslag og þáttar mannsins í þróun umhverfis
tengja þekkingu á umhverfismálum við daglegt líf og átta sig á mikilvægi hennar til framtíðar
sýna ábyrgð í eigin umhverfi við náttúruna
öðlast heildstæða mynd af vanda sem ógnar framtíð jarðar og mikilvægi alþjóðarhyggju í þessum málaflokki