Fjármálastærðfræði fyrir nemendur á náttúruvísindabraut
Samþykkt af skóla
3
5
Lögð verður áhersla á arðsemi hlutabréfa og fjárfestinga með núvirðisreikning, hámörkun hagnaðar með diffrun. Farið verður í diffurjöfnur og diffurjöfnuhneppi og einnig fylki og aðferð minnstu kvaðrata til að rannsaka hegðun á markaði. Að lokum verður farið í afleiðuútreikninga. Áfanginn er góður undirbúningur fyrir þá sem hafa hug á að kynna sér hagnýtinguna í stærðfræði og fjármálum. Efni áfangans er góður undirbúningur fyrir nám í hagfræði, viðskiptafræði, iðnaðarverkfræði eða fjármálaverkfræði en sýnir einnig hvernig stærðfræði er notuð í bankakerfinu.
STÆR3DÓ05 eða STÆR3VF05
Nemandi skal hafa öðlast þekkingu og skilning á:
núvirðis- og framvirðisútreikningum
grunnatriðum aðhvarfsgreiningar
diffurjöfnum af fyrsta og öðru stigi
diffurjöfnuhneppi
innri vöxtum
fjárstreymi
fylkjareikning
grunnatriðum runum og raða
Nemandi skal hafa öðlast leikni í að:
lesa núvirðisreikninga, með jöfnu fjárstreymi, yfir eitt tímabil eða mörg
leggja saman, margfalda og deila með tvinntölum
finna út runir og raðir af fjárstreymi
reikna diffurjöfnur
gera margvíða aðhvarsgreiningu í Rstudio
leysa diffurjöfnur af fyrsta og öðru stigi
leysa diffurjöfnuhneppi
leggja saman fylki, finna andhverfur fylkja, finna eiginvigra og eiginfylki og margfalda saman fylki
Nemandi skal geta hagnýtt þá almennu þekkingu og leikni sem hann hefur aflað sér til að:
geta lesið ársreikning, tekið úr honum lykilupplýsingar og reiknað út virði félagsins
geta sett upp viðskiptahugmynd, reiknað út fjárstreymi og núvirði viðskiptahugmyndarinnar
geta spáð fyrir um þróun virðis hlutabréfa með aðhvarfsgreiningu
geta fundið bestu lausn á framleiðslufalli með diffurreikningi
velja aðferðir til að leysa verkefni og beita þeim rétt