akademískur orðaforði, annar áfangi í ensku., fjölbreyttir textar
Samþykkt af skóla
2
5
Áhersla er lögð á að nemendur verði enn betur læsir á fræðilega texta. Þeir verða þjálfaðir í að tileinka sér grunnorðaforða akademískra texta, tjá hugsun sína skýrt í riti og rökstyðja skoðanir sínar. Í fyrirrúmi er vandlegur lestur texta með það fyrir augum að byggja upp virkan og hagnýtan orðaforða. Lesið er bókmenntaverk úr hinum enskumælandi menningarheimi. Nemendur vinna í auknum mæli sjálfstætt að stærri ritunarverkefnum og viðameiri verkefnum.
ENSK2AA05
Nemandi skal hafa öðlast þekkingu og skilning á:
akademískum orðaforða til undirbúnings náms á háskólastigi
rithefðum sem við eiga í ritgerðasmíð, svo sem inngangi með efnisyrðingu, meginmáli með vel afmörkuðum efnisgreinum og niðurlagi
heildarmerkingu almenns ritaðs og talaðs máls
því menningarumhverfi sem textar eru sprottnir úr
Nemandi skal hafa öðlast leikni í að:
vinna með orðabækur og þær upplýsingar sem þar er að finna
lesa fjölbreytta texta, bæði fræðilega og bókmenntalega
beita þeim lestraraðferðum sem við eiga eftir gerð texta eða viðfangsefnis
geta hlustað á og skilið almennt talað mál
tjá sig munnlega og skriflega án teljanlegra málhnökra
skrifa vel uppbyggðar ritgerðir
Nemandi skal geta hagnýtt þá almennu þekkingu og leikni sem hann hefur aflað sér til að:
skilja daglegt mál, fjölmiðlaefni, léttar fræðigreinar og annað krefjandi efni
taka þátt í skoðanaskiptum, færa rök fyrir máli sínu og svara gagnrökum á viðeigandi hátt
skrifa formlegan texta og beita rithefðum sem við eiga í ritgerðasmíð