Nemendur öðlast aukna þekkingu á krefjandi bókmenntaverkum og leikni í að vinna með þau. Einnig er unnið með fjölmiðlatexta um ýmis álitamál sem eru ofarlega á baugi. Nemendur vinna að fjölbreyttum verkefnum sem miða að því að þjálfa framsögn, samræður, samvinnu, hlustun, gagnrýna hugsun, lesskilning, ritfærni og jafningjamat.
ENSK3DD05
Nemandi skal hafa öðlast þekkingu og skilning á:
bakgrunni þeirra verka sem unnið er með og tengslum þeirra við tíðaranda þess tíma sem þau eru skrifuð á
orðaforða tengdum þeim textum og verkum sem lesin eru
Nemandi skal hafa öðlast leikni í að:
taka afstöðu til hugmynda og rökstyðja mál sitt
setja mál sitt fram skilmerkilega í ræðu og riti
vinna sjálfstæða kynningu á efni að eigin vali
fága vinnubrögð við ritgerðasmíð sem kennd hafa verið í undanfarandi áföngum
Nemandi skal geta hagnýtt þá almennu þekkingu og leikni sem hann hefur aflað sér til að:
gera greinarmun á formlegri og óformlegri málnotkun í ræðu og riti
skipuleggja verkefni, afla gagna og fara með heimildir
miðla efni í ræðu og/eða riti
lesa krefjandi texta, bæði bókmenntalegs og almenns eðlis
nýta og beita nýjum orðaforða
meðtaka bókmenntaverk og njóta þeirra
Verkefni, smápróf, ritun, munnleg færni og ástundun.