Í áfanganum er unnið með hornafræði þríhyrninga og hornaföll. Fjallað er um tengsl algebru og rúmfræði í hnitakerfi, og vigra í sléttu. Áhersla er lögð á skilgreiningar, sannanir og notkun forrita við teikningar og lausnir verkefna.
STÆR2FG05
Nemandi skal hafa öðlast þekkingu og skilning á:
skilgreiningu hornafalla í rétthyrndum þríhyrningi og útvíkkun hennar í hring
flatarmáls-, sínus- og kósínusreglunni
pýþagórsku hornafallajöfnunni, samlagningar- og frádráttarreglum fyrir kósínus og sínus
bogalengdum og umbreytingu þeirra í gráður og öfugt
hornafallajöfnum og -ójöfnum
gröfum hornafalla
vigrum, reikniaðgerðum þeirra og innfeldi
pólhnitum og samböndum þeirra við karteskt hnitakerfi
helstu keilusniðum
Nemandi skal hafa öðlast leikni í að:
beita fjölbreyttum vinnubrögðum við lausn stærðfræðilegra verkefna
einfalda hornaföll og leysa hornafallajöfnur
teikna vigra í tvívíðu plani
teikna hornaföll í tölvum og rissa á blaði
leiða út sannanir námsefnisins
Nemandi skal geta hagnýtt þá almennu þekkingu og leikni sem hann hefur aflað sér til að:
skrá lausnir sínar skipulega, skiptast á skoðunum við aðra um þær og útskýra hugmyndir sínar og verk skilmerkilega á viðeigandi hátt
skilja merkingu og tengsl hugtaka í námsefninu og vinna með þau
átta sig á tengslum ólíkra aðferða við framsetningu stærðfræðilegra hugmynda og viðfangsefna
geta fylgt og skilið röksemdir og röksamhengi í mæltu máli og texta, þar með taldar sannanir í námsefni
beita skipulegum aðferðum við að leysa úr viðfangsefnum og þrautum, s.s. út frá þekkingu á lausnum svipaðra þrauta
Fjölbreytilegt námsmat með áherslu á símat, tíða endurgjöf og leiðsögn. Virkni er metin, lögð eru fyrir verkefni og stutt próf eftir atvikum. Í áfanganum er lokapróf.