Það kom upp villa senda inn  Áfangi

    Áfangi Nánari upplýsingar


    Búið til: 1338374483

    Efnafræði 1 - Undirstaða í almennri efnafræði
    EFNA2AA05
    28
    efnafræði
    byrjunaráfangi í efnafræði á náttúrufræðibraut
    Samþykkt af skóla
    2
    5
    Í áfanganum er lögð áhersla á: Kynningu á efnafræði, mikilvægi hennar og tengsl við umhverfi og daglegt líf. Helstu hugtök og táknmál efnafræðinnar. Lotukerfislæsi, þ.e. læsi ganglegra upplýsinga úr lotukerfinu. Þjálfun í þeim undirstöðuatriðum sem krafist er fryrir nám í framhaldsáföngum. Ábyrga umgengni við efni og áhöld í tilraunastofu, framkvæmd einfaldra tilrauna, úrvinnslu þeirra og framsetningu niðurstaðna. Samvinnu nemenda, sjálfstæði þeirra og ábyrgð á eigin námsframvindu.
    Enginn undanfari.
    Nemandi skal hafa öðlast þekkingu og skilning á:
    • sögu efnafræðinnar og þróun helstu og gagnlegustu hugmynda.
    • helstu reglum um meðferð á tölulegum niðurstöðum mælinga m.t.t. óvissu og markverðra stafa.
    • táknmáli efnafræðinnar, m. a. táknum frumefna, efnasambanda og jóna, hamtáknum og efnajöfnum.
    • myndun og táknun efnatengja og mismunandi eðli þeirra.
    • nafnakerfi einfaldra, ólífrænna efna.
    • röðun frumefna í lotukerfi og upplýsingum sem lesa má út frá stöðu þeira í lotukerfinu.
    • mólhugtakinu og hvernig mælanlegir þættir eins og massi og rúmmál eru tengdir við fjölda efnisagna.
    • reglum um umgengni við efni og áhöld í tilraunastofu.
    Nemandi skal hafa öðlast leikni í að:
    • fylgja verklýsingu við framkvæmd einfaldra tilrauna, vinna úr mælingum og birta niðurstöður með eðlilegri nákvæmni.
    • nota töflureikni (Excel) við gerð einfaldra tafla og línurita.
    • lesa út úr lotukerfinu upplýsingar um öreindafjölda atóma og jóna, fjölda gildrafeinda, tengigetu, jónahleðslu, mólmassa, málmeiginleika o. fl.
    • setja upp efnajöfnur, stilla þær og túlka.
    • reikna á milli massa, mólmassa og mólfjölda svo og massa, mólstyrks og rúmmáls.
    • framkvæma einfalda reikninga út frá hlutföllum efna í stilltri efnajöfnu.
    • greina á milli mismunandi tegunda efnahvarfa og lýsa þeim með efnajöfnum.
    Nemandi skal geta hagnýtt þá almennu þekkingu og leikni sem hann hefur aflað sér til að:
    • skilja merkingu og tengsl hugtaka í námsefninu og geta beitt þeim í umræðum og skriflegum verkefnum.
    • setja úrlausnir sínar skýrt og skipulega fram og beita táknmáli efnafræðinnar rétt.
    • lesa gagnlegar upplýsingar út úr lotukerfi, jónatöflum o. þ. h.
    • tengja eftir föngum námsefni áfangans við umhverfi sitt og daglegt líf.
    • umgangast efni og áhöld af ábyrgð og virðingu með hliðsjón af eigin öryggi og annarra.
    • takast á við framhaldsnám í greininni.
    Námsmat byggir á: Verkefnum og tilraunum á önn. Áfanga lýkur með lokaprófi.