Áhersla er lögð á lestur bæði bókmennta- og rauntexta þannig að nemandi geti beitt mismunandi lestraraðferðum. Hlustunaræfingar miða að því að nemendur geti skilið ótextað mynd- og útvarpsefni. Aukin áhersla lögð á að byggja upp og auka við hagnýtan orðaforða og grunnstig þverfaglegs orðaforða vísinda og fræða. Talþjálfun miðar að því að nemendur læri að orða hugsanir sínar skýrt og skilmerkilega í samtölum og frásögnum. Í ritunarþætti áfangans er lögð áhersla á setningaskipan, orðaforða og skipulega framsetningu
Að nemandi hafi ná hæfni miðað við B1 í ritun, lesskilningi, hlustun og talmáli.
Nemandi skal hafa öðlast þekkingu og skilning á:
hagnýtum og grunnstigum þverfaglegs orðaforða til notkunar í námi á efri þrepum (miðað við Academic Word List og Word Frequency Lists)
reglum um setningaskipan og notkun tengiorða, svo og skipulega framsetningu texta, sbr. ritgerðasmíð
Nemandi skal hafa öðlast leikni í að:
lesa og skilja fjölbreytilega rauntexta, svo og bókmenntatexta
nota og skilja daglegt mál og geta í aðalatriðum fylgst með málefnum líðandi stundar
tjá sig munnlega á skýran og skiljanlegan hátt um almenn málefni
tjá sig skriflega á skipulegan hátt
Nemandi skal geta hagnýtt þá almennu þekkingu og leikni sem hann hefur aflað sér til að:
lesa rauntexta og bókmenntatexta og átta sig á merkingu þeirra ...sem er metið með... ýmsum tegundum spurninga og skriflegum æfingum
skilja efni úr fjölmiðlum ...sem er metið með... talæfingum, orðaforðaverkefnum og skriflegum verkefnum
taka þátt í samræðum, og gera grein fyrir sínum skoðunum á skýran hátt um málefni líðandi stundar ...sem er metið með... munnlegu prófi og kynningu
skrifa stuttar ritgerðir og greinar á skipulegan hátt ...sem er metið með... ýmusm verkefnum og matskvarða
Símat. Mat yfir önnina er byggt á ritunarverkefnum, prófum, munnlegum verkefnum og verkefnaheftum.