Nemendur læra að taka líkamsmál og lesa úr máltöflum. Lögð er áhersla á að þekkja helstu sniðhluta og gera einfaldar sniðbreytingar. Kennt er að leggja rétt á efni og reikna út efnisþörf. Saumaðar eru einfaldar flíkur. Farið er í hin ýmsu fagheiti, notkun á saumavélum, ýmsar gerðir af efnum. Kynnt er notkun á tölvum í tengslum við upplýsingaöflun, uppsetningu þemaspjalda og tískuteikninga auk flatra vinnuteikninga. Lögð er áhersla á að nemendur skilji vinnuferlið frá hugmynd að fullunninni flík og skili skissubók ásamt vinnuskýrslu, auk þess að temja sér vönduð vinnubrögð við alla þætti ferilsins.
Engar
Nemandi skal hafa öðlast þekkingu og skilning á:
hugmyndaöflun og skissuvinnu, tískuteikningum og flötum vinnuteikningum
hvernig líkamsmál eru tekin og gerður samanburður við stærðartöflur
orðaforða greinarinnar til að geta notað skýringarmyndir og vinnulýsingar
aðlögun grunnsniða að eigin líkamsmálum
uppbyggingu grunnsniða, heitum og útliti ólíkra sniðhluta
einföldum sniðbreytingum út frá eigin hugmyndum í minni hlutföllum og fullri stærð
hvernig efnisþörf er reiknuð út frá sniðum
hvernig sniðhlutar eru lagðir á efni eftir þráðréttu og saumför og aðrar merkingar teiknuð inn á efnið
grunnatriðum í saumtækni með prufusaumi og saumi á einföldum flíkum
helstu notkunarmöguleikum saumavéla og annarra tækja sem tilheyra saumum
vinnuferlinu frá hugmynd að fullunninni flík
Nemandi skal hafa öðlast leikni í að:
skissa og teikna tískuteikningar og flatar vinnuteikningar
taka líkamsmál og skilja stærðartöflur
nota orðaforða greinarinnar við notkun vinnulýsinga
útfæra einföld snið út frá grunnsniðum eftir eigin hönnunarteikningum
geta raðað sniðhlutum á efni
geta teiknað saumför, falda og aðrar merkingar áður en sniðið er og sauma einfaldar flíkur og saumtækniprufur
nota saumavélar og þekki notagildi stillinga, saumavélafóta og saumavélanála
gera vinnuferlinu skil í texta og teikningum m.a. með notkun tölva
temja sér vönduð vinnubrögð við alla þætti vinnunnar
Nemandi skal geta hagnýtt þá almennu þekkingu og leikni sem hann hefur aflað sér til að:
skissa hugmyndir og vinna út frá þeim tískuteikningar og flatar vinnuteikningar ...sem er metið með... verkefnum
lesa út úr stærðartöflum ...sem er metið með... verkefnum
aðlaga grunnsnið að mældum líkamsmálum ...sem er metið með... verkefnum
nota grunnsnið til að vinna einfaldar sniðbreytingar út frá eigin hönnunarteikningum sauma einfaldar flíkur ...sem er metið með... verkefnum
meta og nota viðeigandi stillingar á saumavélum sem og fætur og saumavélanálar eftir efnum og saumtækniatriðum ...sem er metið með... verkefnum
gera vinnuferlinu frá hugmynd að fullunninni flík skipulega skil í vinnuskýrslu með teikningum og texta ...sem er metið með... verkefnum
nota tölvur við upplýsingaöflun, uppsetningu teikninga og vinnuskýrslna ...sem er metið með... verkefnum
geti nota orðaforða greinarinnar til að útskýra ferlið í samræðum og í rituðum texta ...sem er metið með... verkefnum og munnlegri framsögn
temja sér vandvirkni við alla þætti ferilsins ...sem er metið með... verkefnum
Við námsmat er horft m.a. til vinnulags og vandvirkni við alla þætti vinnuferilsins.
Vinnusemi, skipulag og jákvæðni gagnvart verkefnum og vilji til sjálfsstæðra vinnubragða.
Skil á öllum verkefnum fullkláruðum í lok annar.